Heroi i filmave aksion Jean Claude Van Damme do të kthehet në sagën e filmave që e bënë të famshëm, “Kickboxer”.
Aktori është në negociatat e fundit për t’iu bashkuar riprodhimit të filmit, ku do të interpretojnë gjithashtu Dave Bautista (Guardians of the Galaxy) dhe Alan Moussi (X-Men: Days of future past).
Megjithatë, këtë herë Van Damme nuk do të jetë student, por instruktor i arteve marciale, duke zëvendësuar kështu aktorin tajlandez Tony Jaa, që hoqi dorë nga roli për shkak të axhendës së ngjeshur.
Historia e filmit bën fjalë për Kurt Sloan, që do të interpretohet nga Moussi, një sportist i talentuar që udhëton në Tajlandë për të mësuar sekretet e kikboksit, për të marrë hakun e vdekjes së të vëllait nga Tong Po, që këtë herë do të luhet nga ylli i wrestling-ut, Bautista.
Van Damme do të interpretojë versionin e ri të mjeshtrit Chow, që në filmin kult të 1989-s luhej nga aktori Dennis Chan. Pjesë e kastit do të jetë edhe Georges St. Pierre, që luajti rolin e Batroc në “Captain America: The Winter Soldier”.
Regjia e filmit i është besuar John Stockëell, ndërsa producentë janë Mike Weber dhe Peter Meyer. Xhirimet nisin këtë javë dhe do të realizohen në Nju Orlins dhe Tajlandë.
tashi le te luaje vetem “kickbyther”…