Vargje zemre disa ditë pas ikjes së Vaçes

Vargje të nënshkruara

Hysen Haxhiaj*

 

Veten sot e mbaj per dore

Zogjte mbi ne nxitojne me frike

Shkurti s’erdh me flake debore

Por me lajmin tend tragjik

 

Dimri mbin mes nesh papritur

Pentagramet i merr era

Zemres sone te perzhitur

Lot te ngrire i sjell tek dera

 

Kombi shtangu prej merzie

Ankthi oret i ben vite

Vdiq nje ze prej perendie

Nje stuhi prej notash drite

 

Vdiq ajo qe permes territ

Midis nesh mbolli nje diell

Kur çdo gje klithte prej tmerrit

Dhe as yj’ s’kishte ne qiell

 

Me ca tinguj prej kitare

Ngjalli shprese ne zemren tone

Ajo s”ish vec kengetare

Por nje engjell amazone

 

Dridhej skena, mikrofoni

Dhe me prane vinte liria

Dhe në pranga tek qendronim

Ne parajsë kthehej qelia

 

Shpirti yne shkrihej nga kenga

Shkundete veten prej merzise

Shqiperia s’kish veç gjemba

Por dhe tinguj te magjise

 

Eh sa here kemi kenduar

Un’ në varr e ti mbi toke

Koha jone ish’ e mallkuar

Por s’na beri dot ulok

 

Plaga befas zinte kore

Notat ndrinin si pishtarë

Zeri yt na mirr’ per dore

E na bente kaq krenarë

 

Nuk te deshen pushtetaret

Kenga jote i lendonte

Ti kendoje per shqiptaret

Ngrije urë ne horizonte

 

Ike Vaçe krejt pa pritur

Ne nje udhe qe s’ka rikthim

Vals i Lumturise s’eshte fikur

Por jeton ne shpirtin tim.

 

*Autori është ish-i burgosur politik