E para është drejtësia!
(Pjesa e parë)
Nuk kam frikë nga vdekja,
Por jam i kushtueshëm,
Dhe në letrat shqipe,
I pazëvendësueshëm!
Fije s’kam ndryshuar,
Po kam mbetur burrë,
Malet mund të tunden,
Po unë s’tundem kurrë!
Po unë s’tundem kurrë,
Gjer në muzg të jetës,
Një rob e një skllav,
Veç i së vërtetës!
Kur shkel një të drejtë,
Njeriu a shteti,
Transformohem krejt,
Tërbohem si deti!
Nuk jam asi soji,
Që nga hija trembet!
Të fitojë e drejta,
Dhe bota të shembet!
Këtë e kam shkruar,
Këtu që qëkur,
Dhe është fare pak,
Ta gdhend dhe në gur!
Është fare pak,
Dhe në gur ta gdhend,
Siç ka drejtësinë,
Ashtu është një vend!
E para është fjala,
Shkroi Perëndia,
Po unë them – e para,
Është drejtësia!
Asaj ia kushtova,
Jetën time krejt,
Ndaj di ç’është e shtrembër,
Dhe çfarë është e drejtë!
Një vend ku është vrarë,
Me plumb drejtësia,
Është greminë e zezë,
Është si Shqipëria!
Këtu asnjëherë,
Ilaçi s’iu gjend,
Turpi më i madh,
Që njohu ky vend!
Mirë në diktaturë,
Se ishte Ai,
Po pse nxin si zgjyrë,
Në demokraci?!
Ajo është pasqyrë,
E çfarëdo sistemi,
Kur ajo është zgjyrë,
Dhe ne ashtu jemi!
Po nuk pati grurë,
Miell s’bluan mokra,
Kur s’ka drejtësi,
Të tjerat janë dokrra!
Ata që në baltë,
Drejtësinë e zhgrryen,
Në gropën e turpit,
Një nga një do bien!
Një vend si i yni,
Që s’ka drejtësi,
S’është e s’mund të quhet,
Kurrë demokraci!
Vijon nesër
Pena me e madhe qe ka nxjer Shqiperia dhe arma me e forte qe ka “demokracia”,te lumte pushka Arben Duka.
Arben Duka je i math. Ne kete Shtet katraure per cdo padrejtesi dhe ne cdo drejtim ke thurur vargje goditese per kete rregjim qe po na gryhen cdo dite qe kalon . Per rrezimin e saj me 23 Qershor ti do te kesh kontributin tend. Gazeta ku ti ke ditur dhe po shkruan sic eshte Dita eshte kethyer ne pararoje te Gazetave opozitare.Ju urojme suksese.