Vargjet e Arben Dukës!

PO IKËN XHUVELËRIA, PO TENTON IDRIZËRIA!

Për mua që e kam ndjekur,
s’më duket ndonjë çudi,
që Shpëtimi i Berishës,
don të hyjë në qeveri!

Se Idrizua u mësua,
me thelat e qeverisë,
ky është mostra më e fundit,
nga soji i Xhuvelërisë!

O Idriz o mi i zgjuar,
karikove bateritë,
luftove për të fituar,
por mbete në opozitë!

Ti e ke vendin aty,
ku të vuri ky sovran,
çështjen çame dhe pa ty,
ne e kemi në program!

Bir i fundit i Xhuvelit,
merri punët me avash,
ti për pak na prishe dasmën.
Si do bëhesh Dollibash?!

Jemi fiks tek çasti i duhur,
ta shkulim ferrën nga rrënja!
Sa doli Xhuvelëria,
pluralizmit i ra tënja

Pa u mbytur krejt vapori,
të majtën me vrap kërkove,
Idriz-Xhuvel tradhëtori,
rri aty ku u votove!

Rri aty ku u votove,
jo katër po dyzet vjet,
në sekondë e tradhëtove,
Berishën që s’ka pushtet!

Të majtën e lartësoi,
uragani i pandalshëm,
ndaj Idrizin po pranoi,
do jetë një akt i pafalshëm!

Kolltukun e qeverisé,
s’ja ka lënë peshqesh babai,
në opozitën e re,
pse s’rri Idriz qerratai?!

Në opozitën e re,
domethënë në stan të vet,
se sovrani ka votuar,
të tjerë njerëz për pushtet!

Duhet të rrijë larg pushtetit,
delenxhiu-malukat,
se ka kohë që pazarxhiun,
e ka kthyer në zanat!

Se ai këtej ka qenë,
po pse iku s’na rrëfehet,
ndaj e quaj kurvëri,
tradhëtia kur shpërblehet!

Erdhi koha që ta shporrim,
për gjithmonë IDRI ZËRI NË,
bëj detyrën ndaj sovranit,
kur denoncoj poshtërsinë!