Vargjet e Arben Dukës!

Mbaroi një histori e përgjakur!

(Fillimi i një poeme)

Sovrani në kokë qëlloi,
si leckë atë e ka flakur,
dhe tok me Berishën mbaroi,
një histori e përgjakur!

Përgjakja këtu ka filluar,
njëzet e dy vite më parë,
ajo ka pikënisje 2 Prillin,
dhe Shkodrën me 4 të vrarë!

U bënë gjyqe pa fund,
u tha e ç’farë nuk u tha,
po ende s’e dimë as sot,
s’e dimë kush i vrau Ata!

Shpesh herë akuza të rënda,
janë thënë fare açik,
ata i vranë të vetët,
për kapital politik!

Në shumë variante dyshohet,
se si u bënë ato krime,
por kur asgjë nuk provohet,
dyshimet mbeten dyshime!

Aty akoma del tymi,
dhe pse kaluan kaq vjet,
ndaj udhën e merr dhe mendimi,
se tym pa zjarr s’mund të ketë!

Dy Prilli qe parathënie,
jo fundi i rendit të plakur,
na thosh’ ata që po vinin,
do ecnin në rrugë të përgjakur!

Ato fytyra të nxira,
u shfaqën me helm e me vrer,
në vitet e tyre të ndyra,
gjaku s’mungoi asnjëherë!

Vrasjet e Salës së Parë,
të gjitha askush nuk i di,
nuk dihen vrasjet e SHIKUT,
në të errët dhe fshehtësi!

Ka shumë persona të zhdukur,
në atë kohë aq të zezë,
nuk dihet ku i varrosën,
për ta nuk ka një varrezë!

Dikur më ka thënë një i brëndshëm,
edhe më thotë sot akoma,
se trupat e tyre i digjnin,
që të mos gjëndej kufoma!

S’kanë ndodhur këto në Vermaht,
si i thonë në kohën e bishës,
po në një shtet “demokrat”,
nën hyqmin e pistë të Berishës!

SHIKU s’mund të harrohet,
në vitet e rënda të territ,
ai pa frikë krahasohet,
me Gestapon e zezë të Hitlerit!

Tani Gazidedja ka ikur,
dhe dot s’e var në çengel,
po emri i tij është skalitur,
me vulë të zezë-KRIMINEL!

Mbi shpirtin e tij të paqetë,
jo veç Remzi Hoxha rëndon,
po krimet të gjitha i di,
Saliu që ende jeton!

Po krimet të gjitha i di,
Saliu që ende jeton,
e për të bërë DREJTËSI,
jo asnjëherë nuk ësht’ vonë!