Furkaçet e Berishës
Parti e Idrizit,
Edhe LSI-ja,
Furkaçet e Salës,
Janë që të dyja!
Gjithë furkaçet janë,
Pengesë e zararit,
Vihen që mos bjerë,
Barra e gomarit!
Dhe që xhaxha Salës,
Ne t’i vëmë paçet,
Duhet që së pari,
T’i heqim furkaçet!
Duhet që t’u themi,
Dhe gjithë të tjerëve,
T’u bëjmë të ditur,
Brumin e “liderëve”!
Të dy këta janë,
Fare të pabesë,
Dhe gjithçka e bëjnë,
Veç për interes!
Për xhepin e tyre,
Por edhe për klanet,
Që bëjnë të mundur,
Të mos prishen planet!
Veç pas një dekade,
Drizua u kujtua,
Dhe për çështjen çame,
Krejt u përvëlua!
Tani tha Idrizua,
U bë deti kos…
Ku ishe gjer dje,
More marangos?!
Meta u bashkua,
Me zotin Sali,
S’mund ta linte vendin,
Pa një qeveri!
Kështu tha Iliri,
Kur turpin njoftoi,
Po këtë nder vendi,
Aspak s’ia kërkoi!
Më pas foli ndryshe,
Jo si në fillim:
“Në qeveri jemi,
Veç për integrim…”
Tre vite me radhë,
Viç nuk polli lopa,
Jemi dhe më larg,
Tash nga Europa!
Tani Ilir Metës,
Nuk i bën më maska,
Gati katër vjet,
Ka parë për laraska!
Dhe si ky bashkim,
S’besoj të ketë tjetër,
Një lloj të martohet,
Derri me një dhelpër!
Mos vdeksh kurre, o i madhi Arben Duka!
I MADHERISHMI AGRON DUKA JE I DREJTPERDREJTE DHE TEPER AKTUAL ,POR NJEKOHESISHT I PA ARITESHEM.KE ELOKUENCE POR EDHE DHUNTI.Asnje presje nuk mundet tu heqesh vargjeve te TUA.Per mua eshte kenaqesi te te lexoj,sepse ke fjale LAPIDAR ne krijimtarine tende…….FALEMINDERIT…
U gëzuam , që e gjetëm këtë faqe tek ” Dita ” . Kishim kohë , pa të lexuar . Je i freskët dhe origjinal , siç ke qëne . Qëndrimi yt përkon me një luftëtar të pa përkulur të demokracisë së vërtetë . Illo & Milika