Vargjet e Arben Dukës

Kush është parti e tretë

Ndryshe s’do kisha besuar,
Por e tha Bamiri vetë,
Që partia e krijuar,
Do të jetë forca e tretë!

Për Bamirin s’kam ç’të them,
Se e njoh për goxha burrë,
Po mos u nxito – i them,
Forc’e tretë nuk do jesh kurrë

Dhe Idrizi i Çamërisë,
Rendit veten tek të tretët,
Dhe pse herën e kaluar,
S’mori vot’ as nga të vetët!

Ky Idrizi nuk ka shans,
Që të bëhet forca e tretë,
Më e mundur është të ndodhi,
Mos jetë fare deputet!

Gjer tani është LSI-ja,
Permanent në vend të tretë,
Dhe siç thonë bathët e mia,
Përsëri ajo do t’jetë!

Se për Metën do votojnë,
Minimumi skraparllinjtë,
Metën mund ta konkurrojnë,
Mendoj vetëm Kuqezinjtë!

Forca ime, – thotë Kreshniku,
Çdo ditë shtohet edhe shtohet,
Të besoj unë, o lum miku,
Veçse duhet të provohet!

Ceka, Ndoka e Xhuveli,
Nuk do marrin deputetë,
Po Saliu do t’i mjelë,
Të mbushë kazanin e vet!

Për Ballistët dhe Zogistët?
Do jenë zero presje zero!
Besoj se si unë mendon,
Pa dyshim dhe zoti Mero!