Vrasjet e Berishës
Sa herë ikin vitet,
Dhe vijnë janarët,
Menjëherë në mendje,
Na vijnë të vrarët!
Në sy na fanitet,
Si në film horror,
Vetë Kryeministri,
Me kallash në dorë!
Me kallash në dorë,
Me maskë në fytyrë,
Si një xhihadist,
Në fe dhe detyrë!
Bash përpara zyrës,
Nja dy vjet më parë,
Vrau xhihadisti,
Plot katër shqiptarë!
Vrau xhihadisti,
Plot katër shqiptarë!
Që natën e vrasjes,
U shfaq shumë krenar!
Dhe tha: “Jam krenar,
Për ekzekutimet,
Sepse më sulmuan,
M’u në kullën time!”
Daltë e kohës fare,
S’ka hyrë tek Salitë,
Se i sundon ende,
Kulla dhe frëngjitë!
Argumenti i kullës,
Është krejt qesharak,
Vrau prapa gardhit,
Ky plak burracak!
Argumenti i kullës,
Është logjikë prej horri,
Në kullën e vet,
S’të vret malësori!
Epos i Kreshnikëve,
Salën përkëdhel,
Or Saliu është,
Thjesht një kriminel!
Është e rëndë kjo fjalë,
Do thonë njerëzia?
Shumë më pak e rëndë,
Se vrasjet e tija!
ARBEN DUKËS
Ç’ia thotë bilbili
Me emrin Arben
Zbukuron gazetën
Me rimat që gjen.
Ç’ia thotë bilbili
Dita q’është ditë,
Na kënaqen veshët
Na kënaqen sytë
Ç’ia thotë bilbili
Në një degë ahu.
Godet Arben Duka
Me sa i ha krahu.
Ç’ia thotë bilbili
Në një degë pishe
Bjeri mor Arben
Ti “çorbës” së prishur.
“Ditën” tonë tribunë
E ka bërë Arbeni;
Nga po u çjerr maskën
Kopuk e legenë
Eh mor Arben Duka
Ty t’u lumtë pena,
E ke bërë gazetën
Kala me bedena.
Godit me shigjeta
Ngado maskarenjtë,
Që kur buzëqeshin
Duken si të shenjtë.
Vetëm se të shenjtë
Kurrë nukë janë,
Në kokë e në bark
Djallin vetë kanë.
Godet ti Arben
Të liqtë kudo.
Por kush nuk e di
Derri çfarë do?
Godet fort Arbeni,
Veç pa pikë gjaku,
Ndaj ia puth penën
Edhe i jap hakun.
guri shyti
Shume te bukura poezite e tua Arben. Shume me te dobishme dhe demaskuese edhe se deklaratat e zbardhta te gjasme opozites. Ne fakt kane forcen e trakteve. I hapin syte njerezve me gjuhen e thjeshte dhe figurative qe perdor. Nuk e di por duhet qe poezite e tua satirike te gjejne nje perhapje me te madhe, qofte edhe duke perdorur Facebook-un, Twiter, etj etj. Duhet te futen ne çdo shtepi qe te dale e keqja jashte Shqiperise, sidomos jashte godinave qeveritare. Urime.