VARGJET: Në pritje të një fjalimi të bukur

lulqim udbasha ka te drejte te quhet krimineli me i ndyre shqipfoles por qe gazeta dita po na i servir dite per dite

KUSH ESHTE KRYEKRIMINELI LULZIM UDBASHA ??

KUSH ESHTE KY MIK PERSONAL I DAMIR FAZLLICIT QE KA AFTESI TI “KALOJE” VIZEN E KUQE ARVIZUSE DHE KY I FUNDIT TI KERKOJE TE FALUR ATIJ DHE BERISHES MEGJITHESE E PERDHOSEN???

Emri i tij lidhet me krimet më tronditëse financiare, njerëzore dhe kombëtare, të cilat kanë dominuar historinë dramatike të tranzicionit shqiptar. Nga kamarier i Rinasit dhe përkthyes i rëndomtë i KFOR, djaloshi Lulzim Basha befas u gdhi një ditë milioner dhe i preferuari i parë i familjes Berisha, duke u katapultuar me një shpejtësi marramendëse në postet më të larta të ekzekutivit. Nga një student me të shkuar të errët në Hollandë, ai, falë investimit amerikan dhe bekimit të familjes, sot është qendra e gravitetit e opozitës shqiptare dhe njeriu i dytë më i pushtetshëm në Shqipëri. Ndonëse komandohet dhe kontrollohet nga dora e babait shpirtëror, Sali Berisha, karriera e shpejtë dhe e dyshimtë e Lulzim Bashës, ka tërbuar “ujqërit” e vjetër të Partisë Demokratike, të cilët presin një mjergull për ta shqyer. Gjithsesi, kjo është trajektorja befasuese dhe e pabesueshme e Lulzim Bashës, vija e së cilës është paracaktuar me kujdes të veçantë nga lapsi i Uashingtonit, i mbështetur pa rezerva nga dora e hekurt e Sali Berishës. Ndërkaq, Lulzim Basha nuk është thjeshtë një pasardhës formal i Sali Berishës. Lulzim Basha mund të mos jetë kurrë një pasues i Sali Berishës sa i takon karizmës, autoritetit dhe hijes së liderit. Por, Lulzim Basha është pasardhësi absolut i Sali Berishës, sa i takon abuzimeve me paratë e taksapaguesve shqiptarë, krimeve njerëzore dhe tradhtisë kombëtare. Askush nuk mund ta konkurrojë Sali Berishën sa i takon aferave dhe mëkateve në pushtet, përveç Lulzim Bashës, i cili ka ndërtuar me shpejtësi kullën e tij të korrupsionit, krahas ndërtimit të karrierës politike, pa i njohur kurrë strukturat e Partisë Demokratike dhe jetën opozitare. Në këtë kuadër, Lulzim Basha nuk është katapultuar rastësisht në fronin e pasardhësit të Sali Berishës. Pasi fitoi besimin e amerikanëve, ai i ka ngjitur shkallët e karrierës falë skandaleve më të mëdha financiare. Pas zgjedhjeve të 2005, Lulzim Basha ishte masha e Sali Berishës në të gjitha shpërdorimet, vjedhjet, vrasjet për pushtet, në përvetësimin e pasurive publike, në shitjen e territoreve detare, në vjedhjen e zgjedhjeve dhe vitet e fundit në ndërtimet e paligjshme. Pas çdo skandali kombëtar, Lulzim Basha gradohej në poste të tjera nga Sali Berisha, i cili e shpëtoi edhe nga drejtësia me procedurë.

Dosja e rrugës “Durrës Kukës”

Menjëherë pasi u katapultua në krye të Ministrisë së Transporteve, Lulzim Basha konsumoi krimin e parë financiar. Kontrolli i Lartë i Shtetit dhe Prokuroria e akuzuan për vjedhjen e 230 milionë eurove, vjedhje e cila theu çdo rekord korrupsioni, jo vetëm në Shqipëri, por edhe në Ballkan. Prokuroria filloi menjëherë hetimet. Dikasteri i Transporteve u vu në akuzë. Procedurat për tenderin në Shqipëri, bazoheshin mbi ligjin anglez. Hetimet e prokurorisë çuan deri në heqjen e imunitetit të Lulzim Bashës. Sipas KLSH, në raportin e janarit 2008, abuzimi shkonte deri në 232 milionë euro. Por, Lulzim Basha shpëtoi me procedurë, ndërsa u emërua me shpejtësi në krye të Ministrisë së Jashtme, duke shënuar një tjetër skandal edhe më të rëndë.

Shitja e detit Greqisë

Mbetet historia më e zezë e qeverisë së Sali Berishës. Edhe këtë akt Sali Berisha e kreu nëpërmjet Lulzim Bashës. Është konsideruar si tradhtia më e madhe kombëtare pas shitjes së Shën Naumit nga Ahmet Zogu dhe shitjes së Shkodrës nga Esat Pashë Toptani. Ky skandal identifikohet me emrin e Lulzim Bashës, i cili asokohe mbante postin e Ministrit të Jashtëm dhe ka negociuar në fshehtësi marrëveshjen për shitjen e detit. Ashtu si dosja e Rrugës së Kombit, edhe dosja e shitjes së detit, mund të hapet në çdo kohë.

21 Janari, vrasja e 4 qytetarëve

21 Janari shënon kapërcimin e Lulzim Bashës nga krimet ekonomike dhe kombëtare, tek krimet njerëzore. Me implikimin e tij në vrasjet e 21 Janarit, Lulzim Basha u projektua përfundimisht si pasardhës i Sali Berishës. 21 Janari është ngjarja më e rëndë dhe njolla më e zezë e asaj qeverie pas Gërdecit, ku sërish, Lulzim Basha u akuzua si përgjegjësi kryesor për vrasjet, në cilësinë e ministrit të Brendshëm. Edhe pse Grada e Republikës varej nga ministri i Brendshëm, Basha dhe komandanti i Gardës, i dënuar për vrasje, ia pasuan përgjegjësinë njëri-tjetrit. Sërish Lulzim Basha i shpëtoi drejtësisë falë mbështetjes së amerikanëve, ndërsa Berisha e bëri kryetar bashkie, që të mos merrej si i pandehur.

Vjedhja e zgjedhjeve në Tiranë

Pas krimeve financiare, shitjes së detit dhe vrasjeve të 21 Janarit, Lulzim Bashës i mungonte dimensioni i krimit elektoral. Lulzim Basha, me maskaradën e zgjedhjeve të 2011, sfumoi edhe zgjedhjet e 26 majit të ’96, të orkestruara nga Sali Berisha. Pasi Edi Rama u rikonfirmua në krye të Bashkisë së Tiranës me 10 vota diferencë, ndodhi ajo që la me gojë hapur Evropën. Kutitë e votimit u shqyen në podrumet e KQZ, ndërsa Arben Ristani, Tom Ndreca dhe Sashenka Jonuzi, përmbysën rezultatin në tavolinë dhe shpallën humbësin fitues. Shtetet e Bashkuara të Amerikës, të përfaqësuara nga ambasadori Arvizu, mbyllën njërin sy dhe pranuan maskaradën e turpshme zgjedhore, vetëm e vetëm që Lulzim Basha të mos përmbysej.

Mashtrimet si kryebashkiak

Lulzim Basha ka thyer çdo rekord sa i takon dështimeve si kryebashkiak i Tiranës. Emri i tij lidhet me një sërë mashtrimesh dhe skandalesh. Basha mashtroi për 30 mijë vende pune, ndërtimin e tramvajit Kinostudio-Kombinat, kalimin e kompetencave tek minibashkitë për dhënien e lejeve për ndërtime të vogla, hipotekimin e të gjitha apartamenteve deri më 15 nëntor 2011, uljen e taksave nga 2-5 herë, heqjen e 60 taksave, financimin e stazhit për ata që mbarojnë universitetin nga bashkia, ndërtimin e parqeve të vogla dhe qendrave argëtuese, ndërtimin e një parku tjetër të madh për Tiranën, kartën e studentit, zhvillimin e 14 qendrave urbane dytësore etj. Ai sfidoi edhe Sali Berishën për mashtrime, kampionin e Shqipërisë për gënjeshtra dhe demagogji në 23 vitet e fundit.

Plani urbanistik

Është skandali më i madh financiar i Lulzim Bashës, pas rrugës Durrës-Kukës. Plani i ri Rregullues për Tiranën, një produkt i errët i kryebashkiakut të votave të vjedhura dhe i familjes kryeministrore, reflekton historinë më të zezë korruptive dhe kriminale në 23 vite pluralizëm, me pasoja fatale për të ardhmen e Tiranës dhe qytetarëve të saj. Po ashtu, Basha konsumoi edhe një tjetër aferë financiare, tashmë me projektin e zgjatimit dhe të ndërtimit të bulevardit të ri të Tiranës dhe rehabilitimin e lumit të Tiranës, ku synon të grabisë rreth 35 milionë USD.

Armët kimike

Debati për asgjësimin e helmit të Asadit në Shqipëri, vuri edhe një herë në diskutim investimin amerikan për Lulzim Bashën, të cilin e projektuan dhe e gatuan si liderin e ardhshëm të së djathtës shqiptare. Edhe pse iu betua ambasadorit amerikan në zyrë se nuk do ta hapte gojën për armët kimike, Lulzim Basha i shkoi pas Sali Berishës në vallen e tij antiamerikane, me paranojën se ishin amerikanët ata që e përmbysën nga pushteti në 23 Qershor. Dalja e Lulzim Bashës nga rreshti i Uashingtonit për armët kimike, vuri një pikëpyetje të madhe mbi investimin amerikan. Dhe reagimi i amerikanëve ishte ai që pritej, kur për herë të parë i tregun vijën e kuqe Lulzim Bashës.

Vdekja e Sokol Olldashit

Lulzim Basha nuk akuzohet se ka gisht në vdekjen e Sokol Olldashit, por një gjë duket se është e qartë, që Lulzim Basha është përfituesi më i madh nga aksidenti tragjik i Sokol Olldashit. I humb apo jo zgjedhjet e radhës, Lulzim Basha do të vegjetojë qetësisht në krye të PD pa u trazuar nga asnjë kundërshtar i brendshëm. Dështon apo jo si kryetar i opozitës, pozitat e Lulzim Bashës nuk i lëkund askush, pasi makthi i tij më i tmerrshëm, Sokol Olldashi, nuk jeton më. Madje, pritet të ndodhë e kundërta. Lulzim Basha do t’i forcojë pozitat e tij në krye të PD, duke spastruar në bllok të gjithë mbështetësit e Sokol Olldashit, duke filluar që nga Mesila Doda, Ridvan Bode, Astrit Patozi etj. Dhe aksioni i spastrimit të partisë nga kundërshtarët ka nisur. Tre javë pas aksidentit të Sokol Olldashit, kryetari formal i Partisë Demokratike, Lulzim Basha ka shpallur zgjedhjet në të gjithë piramidën e funksionimit të partisë më të madhe në opozitë, duke marrë nën kontroll strukturat. Ndërkaq, fjalimi patetik i Lulzim Bashës pas vdekjes së dyshimtë të Sokol Olldashit, nuk e fshehu dot gëzimin e tij për shuarjen e rivalit kryesor. Nga ana tjetër, tentativa e Lulzim Bashës për të shuar dyshimet rreth aksidentit, ka shtuar më tej pikëpyetjet rreth versioneve për mënyrën se si Sokol Olldashi humbi jetën natën e 20 nëntorit. Nguti i bashkëkryetarit të PD, Lulzim Basha, për t’i paraqitur si të mrekullueshme raportet me Sokol Olldashin, e bëjnë më të dyshimtë vdekjen e këtij të fundit. Basha tentoi ta paraqiste Olldashin si krahun e tij të djathtë në aksionin opozitar. Madje, Basha arriti deri aty sa të sajonte amanete dhe takime imagjinare.

Pallati i Vlorës dhe atentati

Është konsideruar si simbol i paligjshmërisë dhe model i pastrimit të parave. Pronar i pallatit është pikërisht vjehrri i Lulzim Bashës. Inspektoriati Urbanistik Kombëtar, Zyra Qendrore e Regjistrimit të Pasurive të Paluajtshme, Agjencia e Kthimit dhe Kompensimit të Pronave dhe Task-Forca për Mbrojtjen e Territorit kanë konstatuar 27 shkalje të rënda me pasoja penale. Më vonë u zbulua se vjehrri i Lulzim Bashës ua ka blerë tokën dy të vdekurve, por kjo duket se është vetëm maja e ajzbergut të skandalit. Kostoja e ndërtimit të pallatit është e paimagjinueshme të përballohet nga të ardhurat legjitime të vjehrrit të Bashës. Dyshimet se me ndërtimin e pallatit të vjehrrit të Bashës janë pastruar para korrupsioni, sa vijnë e shtohen. Ndërkaq, shfaqja e një makine me eksploziv pranë Kryeministrisë, është një tjetër sinjal që vë në dyshim investimin amerikan për Lulzim Bashën. Edhe pse ky i fundit nuk mund të akuzohet për ngjarjen e djeshme, të gjitha krimet financiare dhe njerëzore të çojnë pashmangshmërisht tek Lulzim Basha.

LULZIM BASHA = DAMIR FAZLLICI SHQIPFOLES
–