Keiko Fukuda, mbesa e një samurai dhe nxënësja e fundit gjallë e themeluesit të xhudos, ka ndërruar jetë në moshën 99 vjeçe. Lajmin e vdekjes e konfirmon asistentja e Fukundës, e cila tha se pas dy muajsh, sportistja do të mbushte 100 vjeç. E gjatë 1 metër e 47 centimetër, Fukunda në vitin 2011 ka fituar Rripin e Zi, ndryshe grada Dan e nivelit të dhjetë të xhudos. Ajo është gruaja e vetme në botë që ka marrë këtë çmim. Pas zhvendosjes në Japoni, Fukunda ka drejtuar klubin e xhudos për femra “Soko Joshi”, ku ka praktikuar deri para pak vitesh sportin e jetës së saj.
Fukunda ka lindur në Tokio në 12 prill 1913, në një familje aristokrate. Gjyshi i saj ishte samurai i parë që stërviti në artet marciale Jigoro Kanon, i cili do të bëhej më vonë themeluesi i xhudos. Ajo nuk u martua kurrë, pasi në Japoni mësueseve të xhudos nuk u lejohet të lidhin kurorë. “Xhudoja është martesa ime”, është shprehur ajo pak kohë më parë.