Erion Veliaj, kanditat i mazhorancës për Bashkinë e Tiranës, u shpreh sot se javën e ardhshme do të prezantojë një program të detajuar për çdo njësi të kryeqytetit, ku do të jenë të listuara konkretisht ndryshimet që ai do të sjellë në Tiranë.
“Ne do të kemi një program për çdo njësi, ku do të listojmë saktësisht rrugët që do të prekim, kopshtet e çerdhet, ndriçimin, në mënyrë që njerëzit ta kenë sa më të qartë se çfarë do të bëjmë. Kjo është fushata jonë larg barcaletave”, tha ai gjatë takimit të pasdites me banorët e njësisë 5.
Veliaj tha se shiu i sotëm ishte një kujtese e situatës që kemi kaluar në Tiranë në këto 4 vitet e fundit. “Ju e dini mirë se mjafton një vesë shiu për të shplarë edhe vijat e fundit të bardha që Bashkia priti 4 vite për t’i bërë. Aq qesharake është bërë kjo situatë ku çdo investim e merr shiu i parë, sa edhe kandidati rival na dha të drejtë kur tha këta as bojë nuk dinë të zgjedhin, këta as poça nuk dinë t’i ndërrojnë, as kapak pusete. Por pika ku ne ndryshojmë nga kandidati tjetër është se ne besojmë që ekipi që e solli Tiranën në këtë derexhe nuk mund të jetë i njëjti ekip që të marrë dhe 4 vite të tjera për të rregulluar Tiranën”, deklaroi ai.
Veliaj tha se zgjedhjet e 21 qershorit janë zgjedhje për familjet tona. “Mijëra familjeve në 2011 u premtoi hipotekën në dorë. Zero, asgjë nuk u dhanë”, tha ai.
Para dy javëve u bënë të gjitha vizimet e rrugëve kryesore të Tiranës së Re! Kënaqej syri duke i parë! Por po të vini sot, vizimet janë zhdukur të gjitha,mezi dallohen. Ju lutem, a ka mundësi t’ju përcillni bashkiakëve shqetësimin tim si qytetar që “herë tjetër të mos i lyejnë rrugët me kos d.m.th me atë që edhe haet edhe pihet sepse del shpejt si bojë”! Të gjejnë ndonjë lloj boje më cilësore fjala vjen “qumësht nga lopët e zhelalit të kamzës” sepse thonë që është bojë më e fortë? E kam megjithëmënd? Tung!
Cfare do qe ti te thuash une nuk te besoj voten, pasi dy vite si minister i mereqenies nuk bere asgje, kete e kam provuar vet te zyrat e tua te punes!
Veshtire se drejtimi i duhur per Tiranen mund te asociohet me Erion Veliaj. E provoi veten si minister i mireqenies sociale dhe rezultati doli te jete se shqiptaret jane me te varfer, me te palumtur dhe po largohen nga vendi i tyre.