Vendimi i gjykatës solli vrasjen e ndodhur në Fier

Pas vrasjes së sotme në Sheq të Madh të Fierit, ku ka humbur jetën një grua si pasojë e dhunës ndaj saj prej burrit, Policia e Fierit ka zbardhur edhe një vendim të Gjykatës së Apelit që e kishte lënë Arben Muhajn të lirë edhe pse ishte i dënuar më parë me 3 vite burg.

Në këtë vendim thuhet se autori i vrasjes ishte liruar me urdhër të gjykatës 4 ditë para vrasjes, ose më saktë në datën 14 Janar 2015.

Burime zyrtare nga Policia e Fierit kanë bërë të ditur se “sot rreth orës 09:30 në lagjen Sheq i Madh, Fier, Arben Muhaj, 53 vjeç, në banesën e tij, ka ushtruar dhunë fizike ndaj bashkëshortes se tij Teuta Muhaj, 51 vjeçe. Si pasojë e dhunës kjo shtetase ka gjetur vdekjen.

Arben Muhaj është shoqëruar në Komisariatin e Policisë Fier ku dhe është bërë dhe arrestimi në flagrancë i tij.

Parapraktisht dyshohet se shtetasi i lartpërmendur ka ushtruar dhunë me pasojë vdekjen mbi bashkshorten e tij për motive xhelozie.

Në momentin e ushtrimit të dhunës, çifti ka qenë vetëm në banesë, ndërsa fëmijët e tyre kanë qenë në banesën e gjyshes së tyre.

Nga verifikimet e kryera shtetasja Teuta Muhaj nuk ka qenë trajtuar nga Komisariati i Policise Fier si viktimë e dhunës në familje.

Nga verifikimet e bera ka rezultuar se ky shtetas ka qene i evidentuar me pare si person me precedent krimanal per tendencen e vjedhjes” thuhet në njoftimin e Policisë së Fierit.

Policia ka zbardhur dhe ngjarjes se pse Arben Muhaj ka qenë i arrestuar më parë:

Ai është vënë në pranga në datën 17 maj 2014.

“Me vendim të datës 17 maj 2014, të Gjykatës së Rrethit Gjyqësor Fier është vendosur masa e sigurimit personal “Arrest ne burg” për këtë shtetas për veprat penale të “Plagosjes së rëndë me dashje” e “Prodhim, mbajtje, blerje apo shitje të armëve të ftohta në ambiente të hapura për publikun”. Në datën 09 tetor 2014 është dënuar me tre vjet burg nga Gjykata e Fierit.

Me shkurtim vendimi të Gjykatës së Apelit Vlorë të datës 13 janar 2015 është lënë në fuqi vendimi i gjykatës mne ndryshimin: “Për pezullimin e ekzekutimit penal me burgim duke vënë në provë të pandehurin për një periudhë 3-vjeçare me kusht që brenda kësaj periudhe mos të kryejë vepër tjetër penale.

Në bazë të këtij shkurtim vendimi është urdhëruar lirimi i menjëhershem i të pandehurit nga vuajtja e mëtejshme e denimit, me kusht që të mbajë kontakte me Shërbimin e provës për periudhën e provës.

Më datën 14 janar 2015 është bërë lirimi i Arben Muhajt nga I.E.V.P Rrogozhinë sipas urdhër ekzekutimit të datës 14 janar 2015 të Prokurorise së Rrethit Gjyqesor Fier, për pezullimin e ekzekutimit të vendimit penal.

Materialet në ngarkim të këtij shtetasi do ti kalojnë prokurorisë së Rrethit Gjyqësor Fier për veprën penale “Vrasje në marrëdhëniet familjare”, përfundon njoftimi i Policisë së Fierit.