Venezuela do të ndërmarrë veprime ligjore ndaj gazetës spanjolle “El Pais”, pas publikimit në faqen e saj të parë një fotoje false të presidentit Hugo Çavez, në spital. “Qeveria venezueliane do të ndërmarrë veprimet e duhura ligjore pas publikimit të fotos, një veprim që nuk mund të riparohet me faljen që gazeta u ka kërkuar lexuesve”, ka deklaruar ministri venezuelian i Komunikimit, Ernesto Villegas.