SMS në DITA
Në 0689073730
E dashur Dita! Në traditën e përvitshme prej 14 vjetësh, sipërmarrësit e llixhave pranë ujërave termale të Bilajt në rrethin e Krujës, bashkëshortët Nderim e Lolita Kupi u dhuruan 2 milion lekë të vjetra dy vajzave të sukseshme në mësime. Ish maturantet e dalluara, I.Duka dhe S.Caca që sapo kanë nisur studimet në universitetin e mjekësisë në Tiranë përfituan fondin e këtij viti akorduar nga fondacioni ‘Nëna Hajdi’. Kjo traditë e fondacionit si kontribut për nxënësen më të dalluar që shkon në universitet nga Kruja sivjet pati dy përfituese, të cilat u përzgjodhën nga emrat e paraqitur në listën e drejtorisë së shkollës. Urojmë që nisma për donacione të tilla kontribuese në drejtim të arsimimit të ketë gjithnjë. Përparim Shullazi, Krujë.