Vetëvendosje do të garojë si e vetme në zgjedhjet e 11 qershorit kanë bërë të ditur burimet.
Gjatë ditës u fol për një koalicion të mundshëm të VV-së me partitë tjera opozitare, por një gjë e tillë nuk pritet të ndodhë në orët e fundit të afatit për koalicionet parazgjedhore.
PDK dhe LDK ishin më aktivet në këtë aspekt. PDK ka nënshkruar koalicion parazgjedhor me shtatë parti, teksa LDK ka arritur marrëveshje me AKR-në, Alternativën dhe Lëvizjen për Drejtësi.