VIDEO: Në këtë filmim janë zyrtarët dhe politikanët e nesërm. Atyre po u edukohet gënjeshtra, dyfytyrësia, mungesa e përgjegjësisë ligjore

PËR ZOTIN K/REDAKTOR

FARAONËT QË BËJNË ORGJI…. ME SHTETIN E FIRAUNËVE !

(Letër pa zarf, pse jo dhe në vend të opinionit)

—-

Shkak për këtë shkrim u bë shprehija e qytetares Fatma Mesiti e cila diku kishte shkruar se jam një kufomë e vrarë , e pajetë që jetoj në burgun e madh të lirisë me pranga në duar e në shpirt, që nuk kam asnjë ndryshim nga burgaxhinjtë e tjerë që vuajnë denimet e tyre.

Edhe unë, ashtu si ata jam e dënuar madje më keq se ata, sepse nën maskën e të qenurit e lirë më kanë hedhur prangat në duar e në shpirt. Jam një qytetare që shumë kohë përpara jetoja me nder e dinjitet, por ja që si shumë e shumë të tjerë edhe unë i humba një herë e përgjithmonë dhe ato vlera të vyera që kishim, madje disa janë dhe transformuar.

Jam në një dilemë të madhe, sepse brenda shpirtit tim lufton ndershmëria me pandershmërinë, morali me anti- moralin dhe shkaktarë të kësaj gjendje janë perandorët dhe faraonët e sotëm, bossët e kapitalit të madh në bashkëpunim me shtetin, shtet ky, që çdo gjë mund t’i thuash po jo shtet, sepse është një stan ku njeri i bie gozhdes dhe tjetri patkoit.

Ata mund të mërziten se përse une shprehem kështu, por kjo është një e vërtetë, e cila është e dukshme e kapëshme e patjetersueshme e që nuk ka aspak nevojë për gjyqtarë prokurorë dhe avokat mbrojtës. Ashtu sikurse ka thenë dhe Aristoteli se “ E drejta nuk ka nevojë të mbrohet sepse ajo flet me dritën e të vërtetës” ashtu është po aq i dukshëm dhe kalvari i vuajtjeve të mia dhe i gjithë banorëve të tjerë të pallatit të cilët ndajnë me mua të njetin shqetësim.

Rama për një pallat të Lulit në Vlorë, e çkuli me themel, por që rezultoi se do ta paguante përsëri Rama..dmth shteti. Por jo të dashur miqtë e mi, sepse ato paratë e pallatit të Lulit nuk do i paguajë as Rama e as shteti, por shteti do na i rrëmbejë ne taksapaguese të tij.

Tashmë shtrohet pyetja : Po për ne dhe gjithë banorët e pallati,t që jemi në të drejtën tonë, ku e gjejnë të drejtën banditët e krimit ekonomik, të na marrin jetën dhe frymën ? Këtu ku aktualisht në zonën e “ish bllokut”banoj unë, sikurse dhe gjithë të tjerët, dikur para sheshpamjes nga dritaret ka pas qenë një shatërvan i bukur dhe gjithe kompleksi i pallaetve ka pas qenë i i rrethuar me lulishte dhe gjelbërim që të kënaqnin shpirtin.

Sot sekti “ rrëmbimi” i përbërë nga dinastia ekonomike “Hysenbelliu” kanë ndërtuar në kundërshtim me të gjitha rregullat dhe ligjet e shtetit një lokal. Nuk po i futem mënyrave mafioze të okupimit me forcë të territorit në vitet e mbrapshta të 1997-98-tës, as për lejet se si i mor ei kujt ja mori, sikurse dhe as për lejen që nga 8 e bëri 12 katësh, po si është e mundur që këta të paskrupullt të ndertojnë”Belux”-in vetëm 1 m. larg dritareve tona të katit të parë dhe tashmë për shtatë palë qejfe po ngrejnë dhe katin e dytë ?!..

Jemi ankuar si pallat me shkresa e peticione deri te Kryeministri Rama i cili i ka urdhëruar organet përkatëse ta shikojnë e verifikojnë problemin. I kemi raportuar e shkruar Bashkive e Mini Bashkive i kemi raportuar policisë bashkiake dhe asaj të rajonit , sikurse dhe gjithë organeve kopetente IKMT-së, të cilët na japin të drejtë vetem me letra, se problemin do ta shikojnë…. dhe e shikojë çështë e vërteta, por veçse kur vjen puna , janë “Hysenbellinjte” ata që vendosin.

Pyes zotrinjtë K/ministër, K/Bashkiak të Tiranës, ata të IKMT por dhe organet e tjera që merren me këtë punë : A dini gjë ju zotërinj se “sa kushton kafeja” për të shkelur në mënyrë flagrante ligjet e shtetit? Dhe mos e mendoni se flas kot, sepse kam fakte, kështu që e kam të drejtën morale të pyes direkt K/Ministrin tim që i dhashë votën dhe K/Bashkiakun tim gjithashtu, pse i lejoni këta elementë të shkelin ligjet?

Po ju pyes, si mund të lahem unë, tashmë kur dritaren e kam vetëm 1 m. nga lokali që po ngrihet? Mos vallë “dinastia Hysenbelliu” mik i besës së Metës, mendon që duke na shkatërruar të gjithëve ne banorëve ne moralisht e shpirtërisht të na mundë të gjithëve, me qëllim për tu larguar një e nga një nga pallati( sikurse po vepron aktualisht kati i parë i pallatit tonë) dhe në të pastajmen këta bandidtë ta marrin gratis gjithë pallatin, i cili mbas disa viteve të ardhëshme do të përfundojë i braktisurnga prapsitë e babëzive të tyre nën hundën tuaj?

A e kuptoni z.Kryeminister z.Kryebashkiak, se me indiferentizmin tuaj jo vetëm se bëheni bashkëfajtor me krimin, por nuk është çudi që me vetgjyqësinë tonë të na çoni ju drejt rrugës së krimit.Të gjitha ecejaket tuaja me shkresa dhe inskenimet fallco se gjoja diçka do bëni janë thjeshtë një “maskë narkotike” për të na venë në gjumë, teksa jini ju që i kini rënë në gjunjë përpara pronarëve të “Belux’-it të cilët de fakto janë qeveritaret e vertetë .

Janë ata, që çdo ditë prostituojnë ligjin duke bërë origji dhe me kushtetutën që Presidenti e mba në dorë, teksa ju na deklaroni se po pastroni drejtësinë dhe organet e tjera nga korrupsioni. A e dini z K/Ministër dhe ju K/Bashkisë, se nëse dikush e shkel ligjin pa frikë, sepse ka paguar rryshfete mbi dhe nën dorë është pjesë e Mafies e lidhur këmbë e kokë me politikën?!

Dhe që ta kuptoni ju z.Rama dhe z.Erion “mafia” vrasjet e para i fillon kunder ligjeve tuaja kundër të drejtave të qytetareve të ndershëm. Ja, prandaj ju them se e kam humbur qytetarinë time, duke u kthyer në një kufomë të gjallë e cila rritet me premtime dhe zhgënjime.

Dhe mos mendoni se unë jam vetem Fatma ! Po e menduat ashtu gaboni rëndë unë jam zeri që ngrihet i gjithë atyreve që heshtin, por që kanë halle si unë dhe mbase dhe më të mëdhaja se të mijat, që enden e vajtojnë pa përtesë, anës Lanës.. pa një shpresë ! Jam zeri i atyre and e kand Shqipërisë që nëpërkemben padrejtësisht nga i ashtuquajturi iluzion“shteti i së drejtës”, jam zeri që skam për të pushuar kurrë edhe sikur mafiozet të cilët kultivohen në serat e skutave, të më vrasin.

Dhe nëse ndodh kjo, i thoni Metës të më dekorojë mbas vdekjes. U thoni atyre shoqatave “Human rights” dhe të drejtave të njeriut që ta ngrenë zerin për mua dhe gjithe atyreve që Atdheun tim po ma bëjnë të huaj.
Jam në hall të madh z.K/Ministër dhe ju z.President që jini bërë “ byrazer me hajmali” me faraonët Hysenbelliu të cilët bëjnë origji me ligjet tuaja duke ju katandisur dhe ju si ata, në një lloj firaunësh, që nuk jini më për tu besuar.

Jam në dilemë të madhe dhe nuk dimë dhe si pallat kujt tja japim votëm!
Tja japim atij që e shet Shqipërinë “ vetëm per 1 Eu” apo Lulit që nuk di matematikë, tja u japim juve që na premtoni “shtetin e të drejtës” i cili duhet të shkojë deri te qytetari?!(e që ne fakt vjen e na ve dorën në qafë…. e pastaj iken duke na treguar gishtin?!..)

Na kini bërë, çuar dhe katandisur, deri në atë shkallë, sa që dhe vet zoti po të zbriste e të vinte kanditaturën per deputet në Shqipëri, nuk do ta besonimmë kurrë, kurrë !