VIDEO/ DAP, aplikim on-line për ata që duan të bëhen pjesë e administratës publike

Departamenti i Administratës Publike ka publikuar mënyrën dhe rregullat e aplikimit për individë që dëshirojnë të bëhen pjesë e saj.

Së pari çdo shpallje e bërë nga DAP, ka disa kritere të cilat duhet të përmbushen nga ana e aplikantëve.

Kriteret janë të shfaqura në çdo shpallje dhe dokumentacioni i cili duhet të dorëzohet nga aplikantët, do të dorëzohet on-line dhe jo dorazi në institucionet përkatëse.

Dorëzimet duhet të bëhen Brenda afateve të caktuara nga DAP.

Shqyrtimi i dokumenteve që aplikuesit kanë ngarkuar është hapi i parë, për të vlerësuar nëse kandidatët janë të përshtatshëm për vendet vakante të shpallura nga DAP.

Vlerësimi bëhet vetëm në bazë të dokumenteve të ngarkuara nga aplikuesit.

Hap i dytë është testimi me shkrim, pyetjet e të cilit bazohen në fushën e njohurive që janë përcaktuar në shpallje.

Hap i trete i testimit me gojë e cila ka 25 pikë, u ofrohet vetëm atyre kandidatë të cilët marrin mbi 30 pikë nga 60 të mundshme.

Për tu përgatitur rreth vendit që do të aplikoni, mund të shikoni fushën e njohurive, aftësitë dhe cilësitë, mbi të cilin do të zhvillohet intervista dhe testimi, të cilat mund të gjenden në sajtin e DAP, www.dap.gov.al

Testimi me shkrim do të jetë i sekretuar dhe çdo individ do të ketë një barkode personal dhe korrigjimi i testit të tij do të bëhet në mënyre elektronike.

Intervistat dhe dosjet e kandidatëve vlerësohen nga një komision të përbërë prej 5 kandidatësh, 2 përfaqësues institucioni, 2 pedagogë të fushës, dhe 1 përfaqësues nga ana e DAP.

Për të qenë fitues duhet të kesh 70 pikë, ndërsa kandidatët të cilët kanë vlerësim maksimal të testimit, do të zgjedhin të parët mes vendeve vakante.