Një supermarket në Lezhë është grabitur në orët e para të mëngjesit të sotëm.
Report Tv ka arritur të sigurojë videon, në të cilën shfaqet e tërë grabitja.
Gjithçka ndodh në pesë minuta. Në pamje shihen grabitësit e maskuar. Njëri prej tyre mban armë zjarri kallashnikov në dorë. Fillimisht “inspektojnë” marketin dhe më pas hapin dyert e futen brenda. Pamjet janë fiksuar nga kamerat e sigurisë së biznesit.
Grabitësit arrijnë të marrin kasafortën e biznesit, të cilën e ngarkojnë në një automjet dhe largohen me shpejtësi.
Katër autorët mbeten të paidentifikuar, ndërsa policia vijon hetimet.
s.a/dita