Një vilë në Florida, SHBA, që dikur i përkiste trafikantit të drogës, Pablo Escobar, u shemb nga pronarët e rinj.
Shtëpia ngjyrë rozë, përpara plazhit në Majemi, ishte pronë e kolumbianit përpara se të sekuestrohej nga qeveria në vitin 1987.
Në kulmin e tij, Escobar ishte një nga njerëzit më të pasur në botë.
Karteli i tij sillte shumicën e kokainës në SHBA.
Së fundmi, meksikani El Chapo Guzman ka zënë vendin e tij duke trafikuar kokainën, por edhe drogëra të tjera në SHBA.
“Jam shumë i lumtur teksa shoh shtëpinë e djallit të zhduket përpara syve të mi,” tha pronari i ri, Christian de Berdouare, pronar i rrjetit të ushqimit të shpejtë Chicken Kitchen.
“Ai ishte krimineli më i madh në histori”.
Christian de Berdouare e bleu këtë shtëpi për 9.65 milionë dollarë.
