VIDEO / Diktohet pasi hyn në vilë për të vjedhur, i vë thikën në fyt fëmijës 10-vjeçar

Një grabitës për fat të keq shqiptar tmerroi një familje italiane kur i vuri thikën në fyt një fëmije 10-vjeçar.

Shqiptari është Emiljan Shelnaj, 31-vjeç banues në Abano Terme të rajonit të Padovas në Itali. Shqiptari u arrestua në kushtet e flagrancës gjatë përpjekjes për të grabitur në vilën e familjes italiane.

Në banesë ndodheshin dy prindërit e 10-vjeçarit dhe e motra 15-vjeçe në momentin që shqiptari synonte të kryente grabitjen.

Në momentin që kryefamiljari dëgjoi zhurmën, u vu në lëvizje, por shqiptari ndërkohë kishte kryer “rrëmbimin” e 10-vjeçari që e mbajti peng për disa minuta.

Por, shpëtimtarja ishte vajza e cila doli menjëherë nga shtëpia pa u i pikasur nga grabitësi dhe lajmëroi policinë. Karabinierët italianë mbërritën me shpejtësi në vendin e ngjarjes, çka shqiptari mbeti i shtangur dhe lëshoi fëmijën nga dora.

Më pas, ai u arrestua pa rezistencë. Fëmija u dërgua në spital për shkak të gjendjes së shokut që pësoi. Megjithatë, të katër anëtarët e familjes nuk kanë lëndime.