UEFA ka prezantuar topin që do të përdoret mbrëmjen e sotme në finalen e Kampionatit Europian të Futbollit mes Portugalisë dhe Francës. Në një video të posaçme, UEFA ka treguar prodhimin dhe stampimin e veçantë që do të ketë topi i miratuar për ndeshjen e sotme, nga ku do të dalë “mbreti” i ri i Europës.
Portugali-Francë do të nisë në orën 21:00 në Paris dhe masa të forta sigurie janë parashikuar në kryeqytetin francez për ndeshjen e fundit të “Euro 2016”. Gjyqtar i ndeshjes do të jetë anglezi Mark Klatenburg.