VIDEO: “Është shqip dhe shumë e veçantë”, vajza nga Ukraina befason jurinë greke me këngën e njohur arbëreshe

Edhe pse një video e vitit 2019, ajo po bën xhiro në rrjet nga situata aktuale e luftës në Ukrainë, e cila ka bërë bashkë të gjithë botën.

Siç shihet më poshtë, një këngëtare ukrainase ka performuar në skenën e “The Voice of Greece” në Greqi këngën arbëreshe “Lule Lule”, duke marrë duartrokitje nga salla, por edhe miratimin e jurisë.

Vija melodike e këngës së famshme shqiptare i ka tërhequr të gjithë anëtarët e jurisë.

Kuriozë, ata e kanë pyetur vajzën nëse ishte këngë ukrainase, ndërsa vajza përgjigjet se është një këngë nga Ballkani.

Kur pyetet për gjuhën, ajo përgjigjet se është shqip dhe është një këngë shumë speciale për të.

Gjithashtu, ajo shprehet se nuk flet shqip, gjë që duket edhe nga fakti që i shqiptoi fjalët e këngës me vështirësi, por vijën melodike e kapi shumë ëmbël.

Ku vate moti
Oj ç’ish një herë
Që un’ e ti vashë
Dushime shumë mirë

Ku vate moti
Që ndë tru më mbanje
E se vdisnje nga malli
Nj’orë çe mëngë më shinje

(refreni)
E lule-lu
E lule-lule, macë-macë
E un per tij
E un për tij, dal pace

E dalë pac
E dalë pac, q’ështe e vërtetë
Se zemra i’
Se zemra ime je ti vetë

j.l./ dita