Situatë shqetësuese në Shëngjin si pasojë e flakëve që kanë përfshirë malin me pisha në vendin e quajtur “Lugu i Lemes”.
Zjarrfikëset janë në vendngjarje, por për shkak të terrenit të vështirë malor, po hasen probleme në izolimin e vatrës së zjarrit, kjo pasi era në zonë favorizon përhapjen e flakëve. Sakaq edhe terreni i vështirë malor nuk ndihmon zjarrfikësit të ndërhyjnë pranë vatrave me qëllim izolimin e flakëve.
Në videon e siguruar nga Balkanweb, flakët duket të jenë afruar shumë pranë banesave, duke u kthyer në kërcënim serioz për to. ndërsa shtëllunga tymi kanë mbuluar qytetin.
b.b/dita