Në katin e 5 të këtij pallati parafabrikat banojnë prindërit e Gazmend Çollakut, 34- vjeçarit të ekzekutuar pak ditë më parë në rrugën që të çon në fshatin Murqin të FushëKrujës. Një apartament dhomë e kuzhinë i ndërtuar para viteve ’90.
Pak ditë më parë nëna e tij deklaroi për gazetarët se ata jetojnë në varfëri dhe se dhe se djali i saj nuk ishte marrë me trafik droge .
Vetë Çollaku jetonte i ndarë nga familja në katin e 11 të këtij pallati në lagjen 6 të Durrësit.
Në kontrast me kushtet ku jeton familja , Gazmend Collakut bënte një jete luksoze , siç e tregonte dhe vetë me këto foto të postuara në profilin e tij në facebook, raporton Klan.
Çollaku kishte në pronësi makina të shtrenjta të cilat sipas publikimeve dhe komenteve në rrjetin social i ndryshonte shumë shpesh .
Nga ana tjetër 34 – vjeçari ishte pronar dhe i një skafi të cilin rezulton sipas postimeve ta ketë blerë në fillim të vitit 2014 . Ndërsa orat dhe veshjet e shtrenjta evidentohen në çdo foto .
Hetimet për vrasjen e 34 – vjeçarit pavarësisht intensitetit të lartë ende nuk sjellë rezultat pozitiv për grupin e hetimit.