Një pjesë e mirë e opinionit shqiptar presin ose shpresojnë që të ketë drejtësi në Shqipëri . Presin që të dënohen hajdutët dhe grabitësit e pasurisë publike e private, presin të dënohen ata që bëjnë korrupsion e kontrabandë me postet shtetërore. Presin të dënohet kryeministri dhe familja e tij për vrasje dhe korrupsion. Shpresojnë ende që ligji dhe gjykata të japin dënime të drejta për këta njerëz, t’i trajtojnë njësoj si trajtohet ai i varfëri që dënohet për një dele të vjedhur apo për një celular. Presin të dënohet Lulzim Basha e Fatmir Mehdiu , Ilir Meta e Arben Imami e CO . Presin të dënohen njerëzit që kanë zhdukur Remzi Hoxhen , që bën masakrën e Gërdecit , që vranë Kosta Trebickën , që vranë katër protestues , që kanë vjedhur dhe vjedhin votat e popullit, vjedhin vullnetin e tij, bazën e sistemit që jetojmë. Po nga kush presim ne drejtësi? Nga vetë këta që duhen dënuar? Nga vetë ky kryeministër kuisling, nga kjo drejtësi e uzurpuar nga mafia dhe krimi i organizuar ? I keni parë që vilat e politikanëve dhe të gjyqtarëve në bregdet janë afër njëra tjetrës? Nga kush pra? Jo! Drejtësinë këtu në vendin tonë , do ta vendos vetëm drejtesia popullore. Vetëm ajo sjell drejtësi liri dhe dinjitet. Vetëm ajo na kthen krenarinë dhe qetësinë, vetëm ajo do na bëjë të ndihemi ata që jemi: zot në vendin tonë, të barabartë përpara LIGJIT!
Opinion i nënshkruar: Bujar Cani