Në Brazil po shtohet frikshëm numri i fëmijëve që lindin me koka të deformuara. Shkak është një virus i quajtur “Zika”, i cili ka prekur nënat gjatë shtatzënisë.
Që nga tetori, numri i të prekurve është 3 893 ku vërehet një rritje ditët e fundit. Virusi “Zika”, transmetohet nga kafshimi i mushkonjës “Aedes Aegypti”, e cila përhap gjithashtu edhe ethet tropikale.
Brazili po përjeton shpërthimin më të madh të virusit ‘Zika’.
Virusi Zika ka vrarë tashmë pesë foshnja në vend, tha ministria e Shëndetësisë. 44 vdekje të tjera janë duke u hetuar për të përcaktuar nëse ato janë shkaktuar nga virusi në fjalë.
Javën e kaluar, Ministri brazilian i Shëndetësisë Marcelo Castro tha se një fazë e re testimi është duke u zhvilluar për të identifikuar sa më shpejt praninë e tre viruseve.
Ai njoftoi gjithashtu fonde shtesë për të shpejtuar zhvillimin e një vaksine për ‘Zika’ “në kohë rekord”. /Dita/