Virusi vdekjeprurës i shpendëve që ka shkaktuar një kaos në të gjithë botën dhe që kërcënon të vrasë me miliona njerëz është rikthyer sërish. Japonia është detyruar të marrë masat e para duke shfarosur 112 mijë pula pasi ka konfirmuar se virusi, që ishte përhapur në vend tre vjet më parë, është rikthyer sërish. Teste urgjente janë urdhëruar pasi më shumë se 200 shpendë ngordhën brenda pak orësh në një fermë në jugperëndim të Japonisë. Autoritetet bëjnë të ditur se është konfirmuar që kemi të bëjmë me vitusin vdekjeprurës H5 i cili mund të jetë po aq rezistent sa dhe H5N1 që brenda pak ditësh shkaktoi 600 viktima në të gjithë botën. Kombet e Bashkuara kanë paralajmëruar se mund të jemi në prag të një katastrofe që mund të shkaktojë deri në 150 milion viktima pasi virusi është shumë i ngjashëm me H5N1, që vret 60 përqind të personave të prekur nga ky virus dhe që mund të transmetohet nga njeriu te njeriu. Por ekspertë të tjerë thonë se në rast përhapjeje numri i viktimave mund të jetë edhe më i madh. Neil Ferguson, një profesor i matematikës biologjike në Imperial College London, thotë se më shumë se 200 miliona mund të humbin jetën nga ky virus në të gjiithë globin. Ai shtoi se rreth 40 milion persona humbdën jetën në vitin 1918 nga gripi spanjoll. Ndërsa tani numri i popullsisë është gjashtë herë më i madh, ndaj dhe viktimat mund të jenë më shumë.
Virusi i shpendëve rikthehet sërish, mund të kërcënojë të gjithë globin brenda pak ditësh
