Vllaznia ka ndërprerë seancën stërvitore të kësaj të mërkure, pasi siç, raportohet ka pasur presione ndaj trajnerit Agim Canaj, drejtorit teknik Engin Firat dhe administratorit Suad Lici.
Drejtuesve të klubit u është kërkuar që të grumbullojnë në skuadër dhe të përfshijnë në formacion lojtarë të caktuar.
Zyrtarët e klubit nuk kanë treguar ende se nga iu kanë ardhur këto presione. Edhe klubi nuk ka ende një reagim zyrtar.
Mësohet se ka qenë vetë kryetarja e Bashkisë Voltana Ademi, në cilësinë e Presidentes së klubit, që ka dhënë urdhër për ndërprerjen e stërvitjes dhe ka zhvilluar një mbledhje me teknikun Agim Canaj administratorin e klubit Suad Lici, si dhe drejtorin sportiv Engin Firat.
Në mbledhje tekniku Canaj ka dhënë dorëheqjen nga detyra dhe pse kishte vetëm një javë që e kishte marrë.
Kërcënimet dhe presionet tek Vllaznia duket se janë kthyer në normalitet pasi edhe ish-tekniku Ernest Gjoka e ka vuajtur këtë problem sezonin e kaluar.
o.j/dita