Tre persona kanë kërcënuar me armë dhe kanë dhunuar dy persona ditën e djeshme në qytetin e Vlorës.
Policia bën me dije se Klajdi Skëndaj 25 vjeç, në prani të babait të tij Taqo Skëndaj dhe të një personi tjetër të paidentifikuar dhunuan dhe kërcënuan me pushkë Riza dhe Hiqmet Mehmetajn.
Pas ngjarjes, 25-vjeçari u largua në drejtim të paditur dhe është shpallur në kërkim nga policia. Kanë qenë dy të dhunuarit që bënë denoncim në polici, ndërsa shkaqet e ngjarjes nuk janë bërë të ditura.