Policia vendore vijon kërkimet për autorët e dyshuar të grabitjes së armatosur dhe me maska ndaj biznesmenit Halim Sinaj, në lagjen “15 Tetori”, orët e vona të së hënës. Mbetet mister shuma e grabitur nga banesa, ndërsa çifti i bashkëshortëve ka rrëfyer momentet e panikut për 20 minuta. Kanë qenë 3 persona me armë e maska që hynë në shtëpi, kërcënuan dhe pasi kontrolluan u larguan duke gjuajtur në ajër. Policia dyshon se ata kanë pasur dijeni se biznesmeni i karburanteve kishte para në banesë.