Ka një qytet ku situata e aborteve selektive është shqetësuese.
“Ka ndodhur që janë bërë 3 apo 4 aborte, vetëm sepse kanë marrë vesh që fëmija ishte e seksit femër. Kjo është shumë shqetësuese”, – thotë për mediat shefi i repartit të Obsetri Gjinekologjisë Bejkush Shehaj.
Bëhet fjalë për Vlorën.
Dhe jo vetëm aborti me shkak gjininë, por edhe shkaqe të tjera po ndikojnë në plakjen e popullsisë.
Tashmë është tendencë që çiftet që preferojnë të kenë vetëm një ose maksimumi dy fëmijë.
“Po të ruhej trendi i dikurshëm me tre fëmijë do të ishte mrekulli, sepse dy fëmijë thjesht zëvendësojnë çiftin nuk ka rritje të popullsisë”, deklaron Shehaj për Ora News.
Ai shton se një numër çiftesh të rinj vendosin të lindin jashtë Shqipërisë për shkak të përfitimeve që kanë, duke iu mbivendosur kështu fenomenit të rrudhjes së popullsisë.
l.h/ dita