Vokshi: Oponencë jashtë Parlamentit

Partia Demokratike ka mbledhur ditën e sotme grupin e punës për çështjet sociale dhe shëndetësinë. Pas mbledhjes deputetja demokrate Albana Vokshi theksoi se në mbledhje u diskutuan kryesisht problemet që ekzistojnë në shëndetësi.

Ai u shpreh se Partia Demokratike do të vazhdojë të bëjë oponencë edhe jashtë Kuvendit.

“Shëndetësia është në ditën e vet më të zezë ku qeveria po dëshmon që po kap të gjitha shtyllat kryesore të shëndetësisë.

Ne do bëjmë oponencën në të gjitha hapësirat mediatike qoftë në ambientet e PD-së do vazhdojmë të bëjmë oponencë dhe të themi fjalën tonë”, u shpreh Vokshi.

Partia Demokratike ka ngrirë çdo marrëdhënie me Kuvendin e Shqipërisë, ndërsa demokratët kanë zyrtarizuar tashmë  një institucion paralel me Kuvendin, duke ngritur 8 grupe punenë të njëjtën mënyrë si në komisionet parlamentare, që do të funksionojë gjatë kohës kur PD-ja do të vijojë bojkotimin e Kuvendit.

Grupi i parë i cili do të jetë edhe më i rëndësishmi është ai për çështjet ligjore, ku janë rrjeshtuar juristë edhe deputetet më me ekpseriencë të opozitës. Oerd Bylykbashi mban postin e Kryetarit, ndërsa anëtarët janë: Arben Ristani, Gjovalin Bzhetaj, Eduart Halimi, Edi Paloka, Keltis Kruja, Genti Strazimiri, Mhill Fufi, Kastriot Islami dhe Fatmir Mediu.

Grupi i punës për çështjet e sigurisë drejtohet nga Flamur Noka, ndërsa anëtarë janë: Alban Zeneli, Mesila Doda, Ardian Turku, Astrit Patozi, Keltis Kruja, Helidon Bushati, Arben Ristani.

Grupi i punës për çështjet ekonomike drejtohet nga ish –Ministri i Financave, Ridvan Bode dhe përbëhet nga  Florion Mima, Sherefedin Shehu, Edmond Spaho, Liljana Elmazi, Dashamir Shehi, Albana Vokshi, Jorida Tabaku dhe Igli Cara.

Grupi i punës për politikën e jashtme drejtohet nga një tjetër ish-Ministër Aldo Bumçi dhe pjesë e tij janë edhe Jozefina Topalli, Gert Bogdani, Eduart Selami, Kastriot Islami, Fatmir Mediu.

Grupi i punës për çështjet sociale drejtohet nga kryetarja e Komisionit parlamentarë të çështjeve sociale dhe shëndetësosë, Albana Vokshi, ndërsa anëtarë janë deputetët Halim Kosova, Roland Keta, Albina Deda, Florion Mima, Myqerem Tafaj dhe Bedri Mihaj.

Edhe grupi i punës për Integrimin kryesohet nga ish-Ministerja e Integrimit, Majlinda Bregu, që në kuvendin real, mban edhe detyrën e kryetares së komisionit parlamentarë për këtë çështje. Ndërsa anëtarësia ka ekperiencë të rëndësishme politike nga radhët e opozitës, si : Genc Ruli, Arben Imami dhe Jorida Tabaku.

Grupi i punës për veprimtarinë prodhuese drejtohet nga ish Ministri i Bujqësisë Genc Ruli, ndërsa anëtarë janë: Besnik Dusha, Agron Duka, Helidon Bushati, Ardian Turku, Sherefedin Shehu, Voltana Ademi, Gjergji Papa dhe Kozma Dashi.

Grupi i punës për mediat drejtohet nga Genc Pollo dhe pëebëhet nga deputetet Myqerem Tafaj, Bedri Hoxha, Luçiano Boçi, Astrit Veliaj, Eleina Qirici, Gjergji Papa, Gerti Bogdani, Liliana Elmazi dhe Voltana Ademi.