Votat e çakërdisura të 26 majit në Dibër

Kurrë nuk kam menduar se do të gjejmë ndonjëherë rezulate të zgjedhjeve të 26 majit 1996 , të paktën ashtu  si janë shënuar ato , por ja që u gabuam. Më bie në dorë një tabelë përmbledhëse e rezultateve të votimit të 26 majit të zi në rrethin e Dibrës  me të dhëna të plota për secilën nga qendrat e votimit , komunat e rrethin , e firmosur dhe e e vulosur . Tabela është zyrtare , punuar mbi procesverbalet  e qendrave të votimit  nga ish – këshilli i rrethit Dibër i caktuar për të menaxhuar  palo zgjedhjet. Duke ditur mirëfilli  se aktorë dhe faktorë të 26 majit  1996 janë po ata të 28 qershorit 2009 apo  të 8 majit 2011,   të cilët  “dobiçin” e kanë mbyllur në kuti , po  sjell për lexuesin disa rezultate që janë ekstreme në një proces votimi fund e krrye ekstrem dhe  për të thënë atë që lehtësisht kuptohet nga të gjithë sot  që 28 qershori 2009 e 8maJI 2011  ishte një RPT e 26 majit 1996 në një formë më “ diplomatike”. Ja si kanë shkuar punët atë kohë:

Nga 59392 votues në lista dhe me çertifikata në rrethin e Dibrës morën pjesë në votim  53155 votues  ose 89.5% , nuk morën pjesë në votim 6237 votues ose 10.5%.

Nga 53155 vota u klasifikuan të vlefshme për kandidatët  47900 vota dhe të pavlefshme 4657 vota , ndërsa për  subjektet  45668 vota të vlefshme dhe 6887 të pavlefshme.

Nga 47900 vota të vlefshme për kandidatët 32625 vota ishin për PD- në , 10259 vota për PS – në dhe 5016 vota për partitë e tjera.

Nga 45668 vota të vlefshme për subjektet politike 31300  vota ishin për PD- në , 9478 vota për PS – në dhe 4890  vota për partitë e tjera.

Morën pjesë në votime  sipas të regjistruarve në lista dhe me çertifikata në njësitë vendore : Në komunën  Zall Reç 98 %, në komunën  Fushë Çidhën  97.7%,  në komunën  Lurë 94.3%, në komunën  Selishtë 91.9%  , në  bashkinë Peshkopi 91.8%,në komunën Tomin 91.3% , në komunën Kala e Dodës  91%, në komunën  Maqellarë  88.9% etj.

Komuna ku pjesëmarrja ka qenë më e vogël është ajo e Melanit me 79.5% , të tjerat të gjitha më lart.

Në  qendrën e votimit të fshatit Vasie,  komuna Kala e Dodës , nga 250 votues në lista , kanë votuar 250 , kanë rezultuar të vlefshme 250 vota nga të cilat PD 244  vota ,  PS 06 vota, partitë e tjera zero vota.

Në qendrën e votimit Teis ,  komuna Kala e Dodës , nga 280 votues në lista , kanë votuar 280 ,të gjitha kanë rezultuar të vlefshme, për  PD – në kanë votuar 269 votues , për PS – në  05 vota  dhe për parti të tjera 06 vota . Rezultati është i njëjtë si për kandidatët për deputetë , ashtu dhe për subjektet.

Në  qendrën e votimit të fshatit Zall Reç ,  komuna Zall  Reç, nga 428 votues në lista , kanë votuar 428 , kanë rezultuar të vlefshme 428  vota nga të cilat PD 408  vota,  PS – zero vota dhe partitë e tjera 20 vota.  Rezultati është i njëjtë si për kandidatët për deputet , ashtu dhe për subjektet politike.

Në  gjashtë nga nëntë qendra e votimit të komunës Zall Reç votuesit kanë marrë pjesë 100% në votime.  Vetëm në tre qendra votimi nuk janë paraqitur gjithsej 36 votues. Numri i votuesve në lista në gjithë komunën ishte  1874 votues , votuan 1838.

Në  qendrën e votimit të fshatit Deshat ,  komuna Kastriot  , nga 246 votues në lista , kanë votuar 241 , kanë rezultuar të vlefshme 205  vota nga të cilat PD – 183 ,  PS – 09 dhe partitë e tjera 13 vota.

Në  qendrën e votimit të fshatit Vajmëdhej , komuna Muhurr,  nga 336 votues , kanë votuar 336 , por 68  vota kanë dalë të pavlefshme

Në  qendrën e votimit të fshatit Erebarë  , komuna  Maqellarë,   nga 493  votues në lista , kanë votuar 493  , kanë rezultuar të vlefshme 493  vota nga të cilat PD 448 vota ,  PS 05 vota , partitë e tjera 40 . Rezultati është i njëjtë si për kandidatët për deputetë , ashtu dhe për subjektet politike.

Në qendrën e votimit të fshatit Mustafe , komuna Arras nga 275 votues , kanë marrë pjesë në votim 275, të gjitha votat kanë rezultuar të vlefshme , kurse në fshatin Sinë e Poshtme , të po kësaj komune , nga 348 votues , kanë marrë pjesë në votim 348 dhe të gjitha votat kanë rezultuar të vlefshme.

Në pesë qendra votimi në komunën Lurë pjesëmarrja  në votim ka qenë 100 %.

Në  qendrat e votimit të fshatrave Zdojan e Dohoshisht , komuna Tomin , të dyja me 1019 votues , pjesëmarrja në votime rezulton 100%, kanë votuar 1019 votues  për secilën qendër.

Në  fshatin Zall Dardhë , Komuna  Zall Dardhë ,nga 390 votues në lista , kanë  votuar  390 dhe të gjitha fletët e votimit kanë rezultuar të vlefshme , ndërsa në  fshatin Menesh  të kësaj komune  nga 122 votues në lista , kanë votuar 122.

Ja pra se çfarë kanë gatuar “ustallarët”  në vitin 1996. Ustallarët janë po ata, por “ arma   e krimit” gjithmonë është  fshehur brenda kutive.