Arrestohen të akuzuarit për vrasjen e biznesmenit fierak. Burime nga policia e qytetit të Fierit bënë të ditur se arrestimi i dy vëllezërve është bërë vetëm pak orë më parë. Ervis dhe Endri Sulo, përkatësisht 22 dhe 20 vjeç, u shpallën në kërkim ditën e diel. Bashkë me babanë e tyre Gëzim Sulo ata dyshohen si autorët kryesorë të ekzekutimit me 11 plumba të Naim Sulit.
Policia e Fierit kishte vënë 500 000 lekë shpërblim për ata që do të jepnin informacion lidhur me vendndodhjen e të dyshuarve si autorë të vrasjes.
Suli, bashkëpronar me vëllezërit e tij në një pikë karburanti në aksin Fier-Patos, u ekzekutua mbrëmjen e së shtunës ndërkohë që zbriste nga makina dhe do të futej në shtëpinë e tij. Sipas policisë, shkak për vrasjen ka qenë një konflikt pronësie.