Në drejtorinë e Policisë së Tiranës prokurori i çështjes së vrasjes së Devi Kasmit, Artur Lulja ka marrë në pyetje 5 të arrestuarit për këtë ngjarje.
Pas grekut Efthymiou Efthymious, i dyshuar si vrasës me pagesë, edhe 3 të arrestuarit e tjerë kanë mohuar përfshirjen në atentatin e 29 Janarit ndaj Devi Kasmit.
Elton Hoxhallari, Elton Halipaj dhe Malvin Dinellari akuzohen si bashkëpuntorë në sigurimin e mjeteve dhe përgatitjen e infrastukturës për realizimin e vrasjes.
Të pandehurit nuk kanë mohuar njohjen me njëri-tjetrin, gjë që e konfirmoi edhe avokati i caktuar kryesisht i i Malvin Dinellarit, Stefan Topalli.
“Klienti Malvin Dinellari, interesat e të cilit unë mbroj, ka njohje shoqërore sepse janë nga i njëjti vend, por nuk ka aspak lidhje me veprën penale, sikurse edhe vet ai e tha”, u shpreh avokati.
Prokurori Artan Lulaj iu komunikoi akuzat të arrestuarve, të cilët do të dalin të hënën para gjykatës për caktimin e masës së sigurisë. Sipas burimeve, ata kanë dhënë dëshmi kontradiktore, ndërsa në kërkim vijon të mbetet organizatori i dyshuar i vrasjes, Aurel Hoxhallari.
Ndonëse të akuzuarit kanë mohuar akuzat, grupi i hetimit thotë se ka prova që dokumentojnë përfshirjen e tyre. Po sipas burimeve, ish-polici i forcave speciale greke, Efthymiou Efthymious do të paguhej me 25 mijë euro për vrasjen e Devi Kasmit.
o.j/ dita