“Dritani u prehtë në paqe. Tani është radha jote…” Ky mësohet të ketë qenë një mesazh i mbërritur në telefonin celular të një drejtuesi të policisë pak pas vrasjes së Dritan Lamajt. Lajmi bëhet i ditur nga Shqiptarja.com, e cila shkruan se një gjë e tillë ka alarmuar Policinë e Shtetit, ndërkohë që kanë nisur hetimet lidhur me dërguesin. Ende nuk është bërë i ditur emri i punonjësit të policisë që i është dërguar ky mesazh, ndërsa është përjashtuar mundësia e një shakaje.
Dritan Lamaj, ish-drejtues i komisariatit nr.6 në kryeqytet u ekzekutua mbrëmjen e së dielës me një breshëri automatiku. Ai rezulton i treti komisar i vrarë në vend gjatë pesë muajve të fundit.