Është ndryshuar masa e sigurisë për Eugen Bitrajn, të riun që vrau me thikë 22-vjeçarin Marvi Mihali për një karikues celulari.
Me kërkesë të prokurorisë, gjyqtari i Tiranës, Sokol Tona ka vendosur nga detyrim paraqitje në arrest me burg për Eugen Bitrajn (në foton e mësipërme).
Thirrja e babait të Mavri Mihalit duket se ka detyruar organet e drejtësisë që të ndryshojnë disa nga vendimet e dhëna për autorët e vrasjes së të riut.
I ati tregoi edhe një video që rrëzonte të gjithë procesin e mbajtur deri më tani.
Prokurori Artan Lulo akuzoi për vrasjen e Marvi Mihalit vetëm Dejvis Bitraj, ndërsa tre të tjerët u akuzuan për moskallëzim krimi.
Por pas denoncimit dhe shfaqjes së pamjeve filmike, hetimet e kësaj ngjarjeje i kaluan prokurorit Gjergj Tako, i cili ndryshoi akuzën për Eugen Bitraj, Kridens e Marsel Allës nga moskallëzim krimi në bashkëpunëtorë në vrasje.
s.a/dita