Presidenti Ilir Meta ka reaguar me anë të një deklarate sa i përket ngjarjes tragjike të ndodhur 2 ditë më parë në Elbasan, Ku mbeti i vdekur Pjerin Xhuvani.
Ai i ka bërë thirrje Prokurorisë së Përgjithshme dhe SPAK-ut që të zhvillojnë hetimet dhe të zbardhin ngjarjen për të gjetur autorët.
QËNDRIM I PRESIDENTIT TË REPUBLIKËS, SH.T.Z ILIR META PËR NGJARJEN TRAGJIKE NË ELBASAN
Kam ndjekur me shumë vëmendje, veprimet dhe reagimin e organeve ligjzbatuese për hetimin e ngjarjes tragjike, që ndodhi dy ditë më parë në Elbasan dhe që meriton të zbardhet urgjentisht, objektivisht dhe jashtë ndikimeve politike. Ende organi i Prokurorisë dhe strukturat e Policisë së Shtetit, nuk kanë dhënë një version të plotë zyrtar dhe shterrues. Janë disa pyetje, që kërkojnë përgjigje publike dhe të plota nga institucionet ligjzbatuese: A janë të përfshirë në këtë ngjarje, persona me precedentë penalë? Nëse po, cilët janë emrat e tyre si autorë të dyshuar për shkaktimin e saj? Përse Policia e Shtetit, nuk ka kryer ndalimin dhe shoqërimin e tyre?
A janë këta persona të përfshirë në këtë ngjarje, të njëjtët që shoqëronin Kryeministrin më 14 mars, “Ditën e Verës”, dhe që ushtruan dhunë ndaj mbështetësve të opozitës? A ka marrë organi i Prokurorisë dhe Policia e Shtetit, dëshminë e oficerëve të lartë dhe punonjësve të Policisë, që kanë qenë të pranishëm në ngjarje?
Përse punonjësit e Policisë të pranishëm në ngjarje nuk kanë reaguar, për të neutralizuar përplasjen me armë dhe ndaluar të gjithë personat e përfshirë? Pse u lejua largimi i personave të përfshirë nga vendi i krimit kur Policia ishte njoftuar dhe ishte aty?
A ka qenë i mbuluar ambjenti publik apo ambjentet private me kamera të sigurisë? Nëse po, a është bërë kqyrja dhe sekuestrimi i menjëhershëm i materialit filmik në cilësinë e provës? Sa kohë u është dashur organeve të zbatimit të ligjit të mbledhin këto materiale filmike? Nëse ka patur zvarritje, cilët janë përgjegjësit? Mos u është lënë kohë për të fshirë pamjet?
Vonesa të tilla, a janë tregues i mosveprimit me dashje nga ana e strukturave të veçanta brenda Policisë së Shtetit, për t`i lënë kohë personave përgjegjës të zhdukin çdo provë që bën të mundur zbardhjen e dinamikës së vërtetë të ngjarjes dhe përgjegjësinë e çdo individi të përfshirë në këtë konflikt tragjik? A është Prokuroria e Rrethit Gjyqësor Elbasan, në konflikt interesi, për kryerjen e këtyre hetimeve? A duhet Prokuroria e Posaçme (SPAK), të fillojë hetimet, pasi në këtë ngjarje mund të jenë të përfshirë edhe funksionarë të lartë të shtetit dhe deputetë?
Zoti Prokuror i Përgjithshëm, Zoti Drejtues i Prokurorisë SPAK, Zoti Drejtor i Përgjithshëm i Policisë së Shtetit, Në Republikën e Shqipërisë, të gjithë janë të barabartë përpara ligjit dhe duhet të japin llogari përpara tij! Ndaj, me shumë përgjegjshmëri, ju kërkoj. Të veproni menjëherë për të zbardhur ngjarjen dhe përgjegjësinë e çdo individi të përfshirë në të! Kjo është ngjarja më e rëndë që ka ndodhur në këtë proces zgjedhor. Çdo zvarritje, mosveprim, apo dëmtim i provave për këtë ngjarje, frymëzon më shumë elementët kriminalë në cenimin e procesit zgjedhor. Vota e lirë dhe e ndershme dhe legjitimiteti i zgjedhjeve të 25 prillit nuk duhet të rrezikohet më tej nga këto fenomene! Çdokush që ka shkelur ligjin, duhet të ndëshkohet tani! Ju keni përgjegjësinë e plotë përpara popullit dhe ligjit për ta realizuar atë tani!
o.j/dita
Degjeneratë.
Agush, nuk të ka kush në refené! E bëre veten legen, cub, luan, kovaç, kasap dhe nuk të doli kohë të rregulloje atë dhëmballën, që të ka rënë ku di unë!
Edhe ajo monika si ha nuk-u (dmth Sihanuku, ish mbreti i Kamboxhias) të ka lënë pas dore nga punët e shumta me pazaret, me partinë, me rehaninë, me rininë, me Shqipërinë e tani s’po i del llogaria e parashikuar. Myslimi e fitoi Vlorën, ja shikojeni te hënën!
Na fakt spak eshte shume i vonuar, nuk e di perse. Ti duhej qe me kohe te ishe ne burg, jo per gje por per dite po e shton zullumin, pra shton vitet qe duhet te shlyesh demet qe i ke shkaktuar ketij vendi.