Vrasja gazetarit të kronikës në Greqi, çfarë kanë kapur kamerat e sigurisë dhe çfarë fshihet në celularët e viktimës?

Kamerat, celularët dhe dy dëshmitë e dëshmitarëve okulare po analizohen nga kriminalistika për të zgjidhur enigmën e vrasjes së George Karaivaz.

Nga ana tjetër, Kryeministri Kyriakos Mitsotakis i ka kërkuar Ministrit të Mbrojtjes,  Michalis Chrysochoidis një hetim sa më të shpejtë të çështjes.

Sipas mediave greke ata janë takuar në orën 10:30 në Pallatin Maximos, ku tema kryesore e diskutimeve ka qenë vrasja e gazetarit George Karaivaz.

Përmes pamjeve që janë marrë nga kamerat e sigurisë së dyqaneve, bizneseve, shtëpive, por edhe nga kamerat e menaxhimit të trafikut, oficerët e sigurisë po përpiqen të zbulojnë rrugën që kanë ndjekur vrasësit, para dhe pas ekzekutimit.

Gjithçka tregon se autorët kanë ndjekur lëvizjet e gazetarit për ditë të tëra, e kanë ditur kur ai largohej dhe kur kthehej në shtëpi.

Në të njëjtën kohë, kompjuterët dhe celularët e gazetarit po zbërthehen nga prokuroria për të parë me kë komunikonte dhe nëse kishte marrë mesazhe kërcënuese.

Karaivaz nuk u ka treguar askujt nga të afërmve të tij, apo bashkëpunëtorëve nëse po merrte kërcënime.

Aktualisht policia po i kushton vëmendje të veçantë katër dëshmive, dy prej të cilave vlerësohen si shumë të rënda, pasi këta persona ishin në vendngjarje dhe panë të gjithë skenën e ekzekutimit.

Së fundi policia po kërkon edhe të gjithë motorët e të njëjtit lloj me ato të përdorura nga dy ekzekutorët (lloji Beverly), pasi mjeti i tyre nuk është gjetur dhe as është raportuar ndonjë vjedhje që përputhet me elementët e tij.

Lexo lajmin në mediat greke KETU

o.j/dita