Vrasja makabre në Shkodër: Vajza, e divorcuar. Bashkëjetuesi, ish-polic

Janë ende të paqarta motivet se përse u ekzekutuan çifti Boran Berçama dhe Silva Ndoci në makinën e tyre në Shkodër.

Një nga pistat e hetimit është detyra që ka mbajtur Berçama në policinë e Pukës, nga ku ishte larguar pas fillimit të vetingut në polici.

Por mësohet gjithashtu se Silvi Ndoci, 27 vjeçe, bashkëjetuesja e ish-policit ka qenë e martuar më parë dhe ka patur edhe një fëmijë tjetër.

Pas divorcit, ajo bashkëjetonte me ish-policin.

Të dy jetonin në apartamentin në hyrje të të cilit u gjetën të ekzekutuar mëngjesin e sotëm.

Në makinë ishte edhe foshnja, e cila është marrë nga mjekët dhe po mbahet nën kontroll.

Sipas informacioneve paraprake, afër makinës me targa AA 006 HA ku u vra çifti, u gjetën 23 gëzhoja.

Viktima Berçama vetëm pak kohë më parë mësohet se është larguar nga radhët e policisë për shkak të Vettingut.

a.s/dita