Arrestohet Leonard Tragaj, i dyshuar për vrasjen e dy personave dhe plagosjen e dy të tjerëve disa muaj më parë në Golem. Tragaj rezultonte në kërkim prej datës 25 korrik 2012, kur vrau me armë zjarri Sulejman Shehun, 49 vjeç, dhe Durim Pashallarin, 50 vjeç, si dhe plagosi Beglie dhe Erion Shehun, nënë e bir. Ngjarja ndodhi në afërsi të kompleksit Mak Albania, në Golem, dhe shkak ishte një konflikt i lindur për çështje pronësie.