Policia italiane ka arrestuar shqiptarin, i cili një ditë më parë vrau me thikë gruan e tij në sy të djalit 17-vjeçar.
Mediat italiane bëjnë me dije se në pranga është vënë 57-vjeçari Xhevdet Mehmeti. Ndërkohë, Corriere della Sera ka raportuar se Mehmeti është dorëzuar vet tek karabinierët.
Duke qenë prezent në momentin e krimit, mendohet se dëshmia e djalit të çiftit do të jetë vendimtare në rindërtimin e krimit.
Krimi makabër ka ndodhur në banesën e çiftit, në Piacenza të Italisë.
57-vjeçari e ka qëlluar tre herë në fyt gruan e tij 52-vjeçare, e cila është identifikuar si Elca Tereziu.
Trupi i pajetë i Tereziut është gjendur i shtrirë në dyshemenë e kuzhinës së shtëpisë sëbashku me thikën e përdorur.
Duke iu referuar sërish mediave italiane, Xhevdet Ahmeti ishte me profesion mekanik por së fundmi kishte pasur probleme me punën dhe nga hetimet policore ka dalë se gruaja ka qenë vazhdimisht e dhunuar.
s.a/dita