Vuçiç telefonon Erdoganin, zbulohet diskutimi mes tyre dhe ftesa që iu bë presidentit turk

Presidenti serb Aleksandar Vuçiç ka telefonuar sot Presidentin turk Rexhep Tajip Erdogan.

Vuçiç i tha homologut të tij se ai pret që Ankaraja të vazhdojë mbështetjen e saj për dialogun Beograd-Prishtinë si e vetmja mënyrë për të zgjidhur çështjen e ndjeshme të Kosovës.

Në një deklaratë për shtyp nga kabineti i presidentit, u tha se Erdogan e mbështet plotësisht dialogun mes dy vendeve fqinje. Ai shtoi se Vuçiç ofroi ndihmë në fikjen e zjarreve përgjatë bregdetit turk.

Të dy presidentët thanë se marrëdhëniet dypalëshe të dy vendeve janë në një nivel të lartë, veçanërisht bashkëpunimi ekonomik. Njoftimi për shtyp bëri me dije se ata diskutuan situatën në Ballkanin Perëndimor dhe çështjet globale. Vuçiç ftoi gjithashtu Erdoganin të vizitojë Serbinë, ndërsa ky i fundit e pranoi ftesën.