Kreu i Partisë Socialiste, Edi Rama, vijon të flasë përmes internetit për zbukurimet e fundit të Tiranës. Megjithëse në Preshevë, dje ai ka publikuar foto të ndryshme për të vërtetuar atë që thotë. Mes tyre është edhe një foto e të ashtuquajturit flamur shqiptar, shqiponja e të cilit në të vërtetë nuk ka asnjë lidhje me shqiponjën e flamurit tonë. Më poshtë fotot e publikuara me komentet përkatëse.
Ç’pamje në flamujt e varur në Tiranë! Ky lloj zogu i shfytyruar veç shqiponja e flamurit tonë kombëtar nuk është! VULGARITET!
Vazhdon batërdia për sytë në dekorin banal të festës në Tiranë. Flamuj të ngulur në trotuarët e shpuar me matrapik! E paparë!
Butaforia funebre rreth e përqark kartodromit në sheshin “Skënderbej”. Kjo festë po kthehet në triumf të degradimit estetik