Lëvizja Vetëvendosje ka depozituar këtë të enjte një ankesë në Panelin Zgjedhor për Ankesa dhe Parashtresa lidhur me mosnumërimin në Qendrën e Numërimit të Rezultateve të 4639 dërgesave postare me fletëvotime të ardhura nga diaspora.
Në këtë ankesë, Lëvizja Vetëvendosje kërkon numërimin e të gjithë fletëvotimeve të ardhura nga diaspora, pasi sipas saj, arsyetimet procedurale që artificialisht po i mbivendosen vullnetit të lirë të zgjedhësve nga mërgata e cenojnë demokracinë.
Kjo forcë politike ka bërë publike kërkesën e saj edhe nëpërmjet një postimi në “Facebook”:
Sot, Lëvizja VETËVENDOSJE! ushtroi ankesë në Panelin Zgjedhor për Ankesa dhe Parashtresa lidhur me mosnumërimin në Qendrën e Numërimit të Rezultateve të 4639 të dërgesave postare me fletëvotime të ardhura nga mërgata.
Mbrëmë u numëruan 13 491 fletëvotime të votuesve nga mërgata. Presim që PZAP, të marrë vendim brenda afateve ligjore dhe të urdhëroj KQZ-në, shërbimin për votimin jashtë vendit, që pa vonesë të procedojë për numërim të gjitha fletëvotimet e ardhura nga mërgata jonë.
Arsyetimet procedurale që artificialisht po i mbivendosen vullnetit të lirë të zgjedhësve nga mërgata e cenojnë demokracinë. Andaj ato fletëvotime duhet të numërohen.
e.ll./dita
Albin !
Nuk jam tifoz i juaji por mos harro votimet e 8 majit 2011 ne Tirane ku pabesueshmerisht kishte dore dhe ambasadori Arvizu i cili “i fali” bashkine e Tiranes lul bash krimberishes…kuptohet nen breket e ulura te Rame Kurbanit…….dhe ti do dalesh me 10 vota diference…….ect