Xhafaj me Ministrin e Brendshëm të Bavarisë: Mbështetje në luftën kundër krimit

Ministri i Brendshëm, Fatmir Xhafaj u takua në Mynih me ministrin e Brendshëm të Landit të Bavarisë, Joachim Herrmann.

Gjatë takimit mes tyre u diskutua për çështjet e rendit dhe të sigurisë, si dhe për marrëdhëniet dypalëshe mes Shqipërisë e Gjermanisë.

Xhafaj shprehet se ka marr vlerësime shumë inkurajuese nga ministri bavarez për sa i përket reformave të qeverisë në fushën e drejtësisë dhe arritjet e policisë në luftën ndaj krimit të organizuar.

“Vlerësime shumë inkurajuese nga ministri bavarez për reformat e qeverisë në fushën e drejtësisë e sigurisë. Vlerësime pozitive dhe mbështetje për punën e arritjet në luftën ndaj krimit të organizuar, Forca e Ligjit, menaxhimin e kufirit, parandalimin e azilkërkimit, vetingun në polici”, shkruan Xhafaj në Twitter pas takimit me ministrin Joachim Herrmann.

Xhafaj thotë gjithashtu se ka ftuar për vizitë në Tiranë ministrin e Brendshëm të Landit të Bavarisë.

Faleminderit miqve tanë bavarezë për mbështetjen në rrugën tonë europiane! Mirëpres vizitën e ministrit Joachim Herrmann në Tiranë. pic.twitter.com/JxSSmoTqT4

— Fatmir Xhafaj (@FatmirXhafaj) March 19, 2018

l.h/ dita