Xherdan Shaqiri bëhet zyrtarisht lojtar i ekipit anglez Stoke City për vlerën e 12 milionë stërlinavve, duke thyer njëkohësisht edhe rekordin e klubit nga Staffordshire. Lëvizja e Xherdan Shaqirit ishte shndërruar gati – gati në cështjen e kësaj vere përsa i përket merkatos, jo më shumë për vlerën e transferimit sesa për kokëfortësinë e futbollistit me origjinë shqiptare për të kundërshtuar largimin me forcë nga skuadra e Interit, pas deklaratave të trajnerit Roberto Mancini se 23 – vjecari nuk bënte më pjesë në planet e ekipit zikaltër. Kështu mbyllet gjithcka në mënyrën më të mirë të mundshme dhe të gjitha palët mbeten të kënaqura duke filluar nga vetë futbollisti, të cilit i përmbushen kërkesat financiare ndërsa klubit të Interit në krahun tjetër i krijohet mundësia për të mbyllur përfundimisht transferimin e kroatit Perisic. Pas vizitave mjekësore Shaqiri firmosi një kontratë që do ta mbajë të lidhur me klubin nga Stoke – on – Trent për një periudhë 5 – vjecare.
Drejtuesit e klubit nga Premier League zyrtarizuan gjithcka pasdite dhe falë kësaj marrëveshje drejtuesit e Interit do të arkëtojnë shumën e 16.9 milionë eurove. Futbollisti i lindur në Gjilan, ndonëse vetëm 23 vjec numëron plot 46 ndeshje me përfaqësuesen e Zvicrës me të cilën ka shënuar edhe 17 gola, e pak a shumë arritja e marrëveshjes u kuptua qartë edhe nga prania e Shaqirit në tribunën e “Britannia Stadium” ditën e dielë, kur skuadra e drejtuar nga Mark Hughes u mund nga Liverpuli falë një goli të vonë të brazilianit Coutinho. Vetë trajneri uellsian e përkufizon Shaqirin si një futbollist shpërthyes dhe dinamik që do të sjellë dicka ndryshe në gjirin e kësaj skuadre. Rekordi i mëparshëm i “pocarëve” mbahej nga sulmuesi Peter Crouch që luan ende për këtë klub dhe për të cilin verën e vitit 2011 drejtuesit i paguan 10 milionë stërlina klubit londinez Tottenham Hotspur.
23-vjecari ishte transferuar te Interi në muajin janar nga Bajerni i Mynihut për 15 milionë euro pasi u bind personalisht nga vetë trajneri zikaltër Roberto Mancini, dhe statistikat e tij te skuadra italiane ishin 3 gola në 20 ndeshje gjithsesi Shaqiri tashmë zhvendoset në ishull ku më parë u kërkua me insisitim edhe nga dy klubet e qytetit të Liverpulit. Futbollisti me origjinë shqiptare bëhet lojtari i 22 joanglez i këtij klubi dhe i nënti futbollist që rekrutohet nga skuadra e Stoke këtë verë. Presidenti i këtij klubi është biznesmeni anglez Peter Coates, që vlerësohet si njeriu i 25 më i pasur në futbollin britanik. Sezonin e kaluar Stoke City e mbylli Premier League-n në vendin e 9, ndërsa këtë verë përvec Shaqirit në skuadër janë afruar edhe emra të tillë si Shay Given, Glen Johnson, Philipp Ëollscheid, Joselu, Marco van Ginkel dhe Ibrahim Afellay.
Darvini ka patur te drejte: njeriu vjen nga majmuni.
Ja shembulli.