Tre vjet pas “Valleys of Neptune”, disku i fundit me këngë të padëgjuara të Xhimi Hendriks, vjen një tjetër disk që kujton kitaristin e rrokut. Sot ka dalë në SHBA një tjetër përmbledhje këngësh të padëgjuara të regjistruara nga Hendriks në vitet 1968-1969. Ylli i skenës që u nda nga jeta në vitin 1970 dhe mbahet mend për performancën e jashtëzakonshme në skenë me kitarën elektrike vjen sërish për adhuruesit e tij me një përmbledhje muzikore që mban titullin “People, hell and angels” (Njerëz, ferr dhe engjëj). Disku karakterizohet nga muzika eksperimentale.