Udhëtimi i parë europian i zv.presidentit amerikan pas rizgjedhjes së tij u ka kushtuar shtrenjtë amerikanëve. Mediat amerikane shkruajnë se vizita e Xho Bajden në Paris ka kushtuar jo më pak se 585 mijë dollarë në natë.
Drudge Report i referohet një dokumenti qeveritar të nxjerrë nga faqja online, sipas të cilit Xho Bajdenit i është paraqitur fatura prej 585 mijë dollarë vetëm për një natë në Paris. Ai ka qëndruar në hotelin “Intercontinental Paris Le Grand”, ka prenotuar 100 dhoma për delegacionin që e shoqëronte.