Letra e dytë e Kokalarit për Rumsfeld: Kush e ka paguar udhëtimin tuaj?

Zoti Rumsfeld,

Në vijim të letrës sime të datës 17 qershor 2013 (shih tekstin bashkangjitur), ka raporte të vazhdueshme në Shqipëri që ju, ose fondacioni juaj, jeni paguar për të bërë një paraqitje në Shqipëri dhe/ose shpenzimet udhëtimit tuaj janë subvencionuar. Si një shembull, ju lutem shih raportin në këtë link: http://www.eurasiareview.com/18062013-albania-award-for-rumsfeld-raises-eyebrows/

Nëse ka ndonjë të vërtetë në këto raporte, atëherë lind një çështje në lidhje me të cilën mund të kapesh. Një gjë është e qartë, vizita juaj tek Sali Berisha dhe Fatmir Mediu ishte projektuar si një përpjekje për t’i mbështetur ata në fushatën e tyre për zgjedhjet e ardhshme parlamentare të 23 qershorit në Shqipëri.

Nëse qeveria shqiptare kishte paguar direkt ose indirekt dhe/apo ka paguar për ndonjë pjesë të shpenzimeve tuaja, kjo mund të përbëjë dhe një akt të paligjshëm nga ana e qeverisë Berisha. Pra, atëherë lind pyetja nëse edhe ju keni ndonjë detyrim.

Prandaj, unë duhet t’ju pyes edhe një herë: a keni marrë ju direkt ose indirekt, ndoshta nëpërmjet Fondacionit Rumsfeld, ndonjë formë të kompensimit për udhëtimin tuaj në Shqipëri, apo jeni rimbursuar në ndonjë farë mënyre për shpenzimet që lidhen me udhëtimin tuaj? Nëse është kështu, cili ishte burimi i këtyre fondeve? Apo ato janë paguar për ju nga palët e treta të lidhura me qeverinë e Shqipërisë, për shembull, nga Podesta Group ose Patton Boggs? Apo pagesat janë bërë me fonde nga Thesari i Shqipërisë?

Ngaqë ka polemika për udhëtimin tuaj dhe kohën e zgjedhjeve të ardhshme, është e rëndësishme që ju menjëherë të bëni publike të gjitha detajet në lidhje me çfarëdo manovre financiare për udhëtimin tuaj në Shqipëri.

Ju duhet të jeni të vetëdijshëm se ajo vizitë është raportuar në Shqipëri disa javë më parë, ndërsa një pagesë prej disa qindra mijë dollarësh është bërë nga qeveria shqiptare për konsulentët në Uashington. Duke konsideruar zgjedhjet e ardhshme, koha e pagesave të tilla duket disi e dyshimtë. Nëse kjo është e vërtetë, dhe nëse fondet erdhën nga qeveria shqiptare, dhe në qoftë se këto fonde janë në çfarëdo mënyre, drejtpërdrejt ose tërthorazi, po përdoren për të mbështetur regjimin e Berishës, atëherë kjo do të përbënte një shkelje të ligjeve shqiptare, dhe unë besoj se mund të kërkojë hetim këtu në SHBA, ndoshta nga Departamenti i Drejtësisë, dhe ndoshta nga divizionet FARA dhe FCPA.

Është gjithashtu e rëndësishme që ju të tregoni se çfarw ju dini në lidhje me përfshirjen e Fatmir Mediut me tragjedinë e Gërdecit, skandalin e armëve të AEY, lidhjet e tij me Gazmend Mahmutajn, pasurinë e tij të pashpjegueshme, refuzimin e tij për të bashkëpunuar me Prokurorin e Përgjithshëm të Shqipërisë, i cili është përpjekur për ta pyetur atë në lidhje me këtë përfshirje me shpërthimin e Gërdecit, si dhe me informacione të tjera që pikturojnë imazhin e një karakteri shumë të neveritshëm. A keni marrë ndonjë nga këto në konsideratë, ndërsa ju e mbuluat me lavde Mediun? Me fjalë të tjera, çfarë ishte e njohur dhe e panjohur për ju?

Unë duhet t’u them se, në qoftë se këto zbulojnë të vërtetat e gostive që ju keni pranuar nga sëra e Berishës dhe Mediut, atëherë unë ju këshilloj që ju të bëni një hap prapa dhe tw rishqyrtoni standardet tuaja morale.

Kushtoni vëmendjen tuaj urgjente për këtë çështje që ju kërkohet.

Sinqerisht,

Gary Q. Kokalari

Shqiptarët për një Shqipëri Demokratike

www.adausa.org

P.S. Për të rifreskuar kujtesën tuaj, ky link do t’u mundësojë të lexoni një artikull të New York Times mbi marrëveshjen me AEY, për të cilin katër amerikanë u dënuan për mashtrim të Departamentit të Mbrojtjes. Unë do të jem i lumtur për t’ju jap informacionin e duhur në lidhje me përfshirjen e Berishës dhe Mediut në këtë marrëveshje.

http://www.nytimes.com/2008/03/27/world/asia/27ammo.html?pagewanted=all

************

Letra e djeshme  e Gery Kokalarit drejtuar Donald Rumsfeld 17 qershor 2013

Z. Donald Rumsfeld – c / o Rumsfeld Fondation

1718 M. Street NW # 366 – Washington, DC 20036

I nderuar Z. Rumsfeld:

Duke iu referuar vizitës suaj në Shqipëri, unë duhet të them se ajo ishte tejet shqetësuese duke ju parë ju në një përpjekje për të mbështetur një diktator të korruptuar si Sali Berisha dhe një bandit imoral, si Fatmir Mediu.

Por unë mund të shoh se ka njëfarë logjike në veprimet tuaja. Mbi të gjitha, iniciativa juaj ndërsa shërbenit si Sekretar i Mbrojtjes çoi në projektin për të demontuar municionet në Gërdec. Dhe kjo ishte edhe një nga nismat tuaja si Sekretar i Mbrojtjes që bëri që AEY të shiste 300 milion dollarë municione kineze të skaduara, prodhuar nga gazermat shqiptare, në Departamentin amerikan të Mbrojtjes.

Sa për dijeninë , kushtet e rrezikshme në Gërdec, të cilat ishin një rezultat i drejtpërdrejtë i neglizhencës së qeverisë Berisha dhe qëndrimit të Mediut si ministër i Mbrojtjes, shkaktoi një shpërthim masiv në mars 2008 që rezultoi me vdekjen tragjike të 26 njerëzve, përfshirë fëmijë, të cilët nuk duhej të ishin duke punuar atje si forcë kryesore.

Për sa i përket AEY, ju them se isha unë ai që e nxora atë skandal në faqen e parë të The New York Times, edhe në mars 2008, dhe që çoi në dënimin e katër amerikanëve për rolet e tyre në mashtrimin e qeverisë amerikane. Përkundër faktit se Berisha dhe Mediu u përfshinë rëndshëm në orkestrimin e AEY dhe Gërdecit, asnjëri prej tyre nuk është hetuar për rolet e tyre në këto skandale dhe ata u mbrojtën nga drejtësia për shkak të mantelit të imunitetit. A keni ndonjë farë lidhjeje ju me gjithë këtë mbulim të asaj që ka ndodhur? Gjithashtu, ju lutem mund të më thoni se sa ju kanë paguar për të shkuar në Shqipëri që të përpiqeni për t’ua ndrequr biografinë banditëve si Berisha dhe Mediu?

Sipas mendimit tim, ishin politikat tuaja që sollën Gërdecin dhe AEY, ndaj së bashku me Berishën dhe Mediun, ju duhet të ndani një pjesë të fajit – nëse jo ligjërisht, të paktën moralisht.

Dhe ju patjetër duhet të ndajnë pjesën e luanit të fajit për gabimin tuaj gjigand strategjik në Irak, që rezultoi në një shkallë të madhe me humbjen e panevojshme të  jetëve dhe thesareve amerikane gjatë pasojave të shmangshme që erdhën pas pushtimit fillestar.

Herën tjetër kur të takoni mikun tuaj Mediu duhet të pyesni atë në lidhje me kohën kur ai u arrestua në Itali së bashku me “kolegun” e tij Gazmend Mahmutaj, i cili përfundoi duke shpenzuar kohë në një burg italian për akuzat e trafikimit të qenieve njerëzore.

Që ju jeni miqësuar me krijesa të tilla të ulëta njerëzore si Berisha dhe Mediu, e bën të lehtë për mua të kuptoj pse Senatori John McCain ju quajti, “Sekretari më i keq i Mbrojtjes në historinë e SHBA.”

Sinqerisht,

Gary Q. Kokalari